زیدان ڕەزامەندی نواندوە لەسەر گواستنەوەی نێیمار

8/6/2019 3:33:00 PM 19233 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە كە زینەدین زیدانی راهێنەری یانەی ریاڵ مەدریدی ئیسپانی ڕەزامەندی بۆ پێرێز نواندوە لەپێناو ئەوەی دەست بە هەوڵەكانیان بكەن بۆ گواستنەوەی نێیمار بۆ ریزەكانی یانەی ریاڵ مەدریدی ئیسپانی.

پێشتر زیدان بە هەمو شێوەیەك گواستنەوەی ئەو یاریزانەی بۆ ریزەكانی یانەكەی رەتدەكردەوە پێی وابو ئەو یاریزانە بەردەوام كێشەی گەورە دەنێتەوەو یانەی شاهانە ناتوانێت سود  لە تواناكانی وەربگرێت.

رۆژنامەی سپۆرتی كەتەلۆنی ئاشكرایكردوە.. كە زیدان بە گواستنەوەی نێیمار ڕازی بوە، بەڵام مەرجی هەیە، راهێنەرە فەرەنسییەكە دەیەوێت پێش بەدەستهێنانی تواناكانی نێیمار پۆڵ پۆگبای فەرەنسی پەیوەندی بە یانەی شاهانەوە بكات.

هەمان سەرچاوە شێوازی گواستنەوەی ئەو یاریزانەی ئاشكراكردوەو یانەی ریاڵ مەدرید دەیەوێت بە دو رێگە ئەو یاریزانە بگوازێتەوە، سەرەتا یانە ئیسپانیەكە گرێبەستێك پێشكەشی پاریس سانجیرمان دەكات كە لە بڕێك پارەو بەیل و جەیمس رۆدریگز یاخود ئیسكۆ پێك دێت، رێگەی دوەمی یانەكەش گواستنەوەی نێیمارە بە شێوەی خواستن لەگەڵ مافی كرینەوەی یاریزانەكە لە داهاتودا.



Copyright © 2017 Xendan.org all rights reserved

designed and developed by AVESTA GROUP