بایرن میونشن گرێبەستێكی مێژوی ئەنجام دەدات

8/6/2019 11:42:00 AM 8626 جار خوێندراوەتەوە

خەندان سپۆرت

 

یانەی بایرن میونشنی ئەڵمانی لە هەوڵەكانی بەردەوامە بۆ گواستنەوەی یاریزانی نوێ بۆ یانەكەی و لە هەوڵی ئەوەدان بە ئەنجامدانی چەند گرێبەستێك ریزەكانی یانەكەیان بۆ وەرزی داهاتو بەهێزتربكەن.

گۆڤاری فرانس فوتبۆڵی فەرەنسی ڕایگەیاند.. كە بەرپرسانی یانەی بایرن میونشنی ئەڵمانی ئامادەی خۆیان نیشانداوە بۆ ئەوەی گرێبەستێكی نوێ بە بەهای 110 ملیۆن یۆرۆ پێشكەشی یانەی مانچستەرسیتی بكەن لە پێناو بەدەستهێنانی تواناكانی لۆرێ سانێی یاریزانی هەڵبژاردەی ئەڵمانیا.

هەمان سەرچاوە ئەوەشی ئاشكراكردوە.. كە یانە ئەڵمانیەكە دەیەوێت بۆ ماوەی پێنج وەرز ئەو یاریزانە بۆ یانەكەی بگوازێتەوەو ساڵانەش 18 ملیۆن یۆرۆی وەك موچە پێبدەن، گەربێتو ئەو گرێبەستە ئەنجام بدرێت سانێ دەبێتە خاوەنی بەرزترین موچە لە بۆندس لیگا.

بەهۆی ئەوەی گواردیۆلا لە یارییەكانی وەرزی رابردو بە شێوەیەكی سەرەكی پشتی بەم یاریزانە نەدەبەست، بۆیە سانێ سورە لەسەر ئەوەی ریزەكانی یانە ئینگلیزییەكە جێبهێڵێت و بۆ یاریكردن بگەرێتەوە ئەڵمانیا.



Copyright © 2017 Xendan.org all rights reserved

designed and developed by AVESTA GROUP