زیدان دەستبەرداری سێ یاریزانی دەبێت

8/5/2019 10:04:00 AM 11681 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە كە زینەدین زیدانی راهێنەری یانەی ریاڵ مەدریدی ئیسپانی كار بۆ ئەوە دەكات كۆتایی بە مێركاتۆی هاوینەی یانەكەی بهێنێت، بەجۆرێك سێ یاریزانی یانەكەی بفرۆشێت و دو گرێبەستی نوێ ئەنجام بدات.

رۆژنامەی ماركا لە هەواڵەكانی ئەمڕۆیدا ڕایگەیاندوە.. كە زینەدین زیدان هێشتا بیرۆكەی گواستنەوەی پۆڵ پۆگبای لە یاد نەكردوەو كار بۆ ئەوە دەكات ئەو یاریزانە بۆ ریزەكانی یانەكەی بگوازێتەوە لە پێناو بەهێزكردنی هێڵی ناوەندی یانەكەی.

هەمان سەرچاوە ئەوەشی ئاشكراكردوە.. كە یانەی ریاڵ مەدرید لە هەوڵەكانی بەردەوامە بۆ گواستنەوەی ئەو ئەستێرە فەرەنسییە، بەڵام ئەوەی كێشەی دروستكردوە ئەوەیە كە یانەی مانچستەریونایتد تا ئێستا گرێبەستی لەگەڵ جێگرەوەكەی پۆگبا ئەنجام نەداوەو لەگەڵ ئەوەشدا سۆڵشایەری راهێنەری یانەی مانچستەر یونایتد مانەوەی ئەو یاریزانەی لە یانەكە ڕاگەیاند.

زیدان دەیەوێت بە دەستبەرداربون لە سێ یاریزانی یانەكەی، پارەی پێویست بۆ گواستنەوەی پۆگبا تەرخان بكات و لەلایەكی دیكەشەوە باس لەوە دەكرێت كە بەرپرسانی یانەی ریاڵ مەدرید كار بۆ گواستنەوەی ڤان دی بیكی هۆڵەندی و یاریزانی یانەی ئەیاكس ئەمستردام دەكات.



Copyright © 2017 Xendan.org all rights reserved

designed and developed by AVESTA GROUP