گواردیۆلا.. خەڵاتی زە بێست هیچ بەهایەكی نیە

8/4/2019 12:42:00 PM 6383 جار خوێندراوەتەوە

خەندان سپۆرت

 

پیپ گوادیۆلای راهێنەری یانەی مانچستەرسیتی ئینگلیزی دەربارەی پاڵێوراوەكانی باشترین یاریزان بۆ خەڵاتی زە بێستی ساڵی 2019 وتی.. ئەو خەڵاتە هیچ بەهایەكی نیەو بەلای یاریزانەكانمەوە گرنگ نیە.

گواردیۆلا لە بارەی پاڵێوراوەكانەوە وتی.. "من ناڵێم ئەو 10 یاریزانەی بۆ بردنی ئەم خەڵاتە پاڵێوراون شایستەی ئەوە نین كە خەڵاتەكەیان پێبدرێت، بەڵام هیچ گونجاو نیە كە چەند یاریزانێك لە خولی ئینگلیزی ناوی لە پالێوراوەكاندایە، بەڵام تەنها یەك یاریزانی مانچستەرسیتی ناوی لە لیستەكەدا نیە و من ئەوە بە ستەم دەبینم".

ئەو راهێنەرە وتیشی.. "ناكرێت نازناوی چامپیۆنس لیگ لە خولێكی 11 مانگی وەك پریمەرلیگ گرنگتر بێت، من لە كۆششی یانەی لێڤەرپوڵ كەم ناكەمەوە، چونكە ئێمەش هەوڵ بۆ دەدەین ببینە پاڵەوانی خولی یانە پاڵەوانەكانی ئەوروپا، بەراستی بردنی ئەو نازناوە كارێكی سەختە".

لە كۆتایدا گواردیۆلا وتی.. " ئێمەش نازناوی پریمەرلیگمان بردوە، یانەی لێڤەرپوڵ 30 ساڵە هەوڵ بۆ ئەو نازناوە دەدات، بەڵام پاش وەرزێكی سەخت بە جیاوازی خاڵێك ئێمە باشتر بوین و نازناوەكەمان بردەوە".



Copyright © 2017 Xendan.org all rights reserved

designed and developed by AVESTA GROUP