كوردێك بۆ پشتێنی ئاڵتونی دەجەنگێت

8/3/2019 12:10:00 PM 9470 جار خوێندراوەتەوە

خەندان سپۆرت

 

مەریوان کاروان سەعید ناسراو بە ماریۆ سەعید ئەو گەنجەی تەمەنی 28 ساڵە و بە شێری ڕەش ناسراوە کوڕی گەڕەکی چوارباخی شاری سلێمانیە ماوەی 18 ساڵە لە وڵاتی بریتانیا دەژی.

ماریۆ تاکە گەنجی كوردە لە پاڵەوانێتیە زۆرانبازە ئازادەکان کە ناسراوە بە MMA خاوەنی 100 یاری زیاتری جۆراوجۆرە 3 پشتێنی هە یە لەسەر ئاستی ئەوروپا خاوەنی پشتێنی ئاڵتونە لە وڵاتی بە ریتانیاو لە شاری برستۆڵ ژیان بەسەر دەبات، دوای شەش بردنەوەی لەسەر یەك ئەو یارییزانە گەیشتۆتە یاریی كۆتایی پاڵەوانێتیەك لە وڵاتی بریتانیا و بڕیارە لە 21/9ی ئەمساڵ یاریی كۆتایی بەرامبەر یاریزانێكی بریتانی ئەنجام بدات لە پێناو بەدەستهێنانی پشتێنی ئاڵتونی.

مەریوان خاوەنی هۆڵێكی وەرزشییە لە بریستۆڵ و هەوادارێکی زۆری ئینگلیزی هەیە و یارییەکانی بینەرێكی زۆری هەیە، لە تۆڕە كۆمەڵایەتیەكان بینەری ملیۆنی تێپەڕاندوە، بەڵام بە داخەوە بەهۆی كەمی گرنگی پێدان بە تواناكانی ئەو یاریزانە لە كوردستان لە ڕوی راگەیاندنەوە، کەم کورد دەیناسێت و ئاگاداری ئەنجامەكانی نین.

ئەمەش ناوی کورتکراوەی یاری و پاڵەوانێتیەكانن MMA , BJJ , WRESTLING , K1         
۱ ــ خاوەنی 5 پشتێنی ئاڵتون  لە سەر ئاستی بە ریتانیاو ئەوروپاو جیهان 
۲ ــ 13 ساڵە یاری دەکات
۳ ــ 7 ساڵ پڕۆفیشناڵ و پیشەگەری
٤ ــ زیاتر لە 100 یاری کردوە 
٥ ــ 50 یاری زیاتری گراپلینی کردوە کە ناسراوە بە BJJ کە 45 یاریان مەدالیای ئاڵتونی وەرگرتوە لەگەڵ پشتێنێکی NAGA ناگا 
٦ ــ پاڵەوانێتی بۆکسێن 
۷ ــ پاڵەوانێتی ڕەسلێن 
٨ ــ پاڵەوانێتی موای تای 


نیشانەکردن :

#ناوخۆیی

Copyright © 2017 Xendan.org all rights reserved

designed and developed by AVESTA GROUP