رۆناڵدۆ لە كۆریای باشور لەژێر هەڕەشەی گرتندایە

8/1/2019 5:46:00 PM 13031 جار خوێندراوەتەوە

خەندان سپۆرت

 

پۆلیسی وڵاتی كۆریای باشور بە پێی یاساكانی وڵاتەكەیان دەستیان كردوە بە لێكۆڵینەوە لە ئامادە نەبونی كریستیانۆ رۆناڵدۆ لە یاریی یانەكەی بەرامبەر ئەستێرەكانی خولی كۆریای باشور.

بەهۆی ئامادە نەبونی رۆناڵدۆ لەو یارییەدا دو هەزار هاندەری كۆری داوای 50 ملیۆن یۆرۆ دەكەن وەك قەرەبو كردنەوەیەك بۆیان، چونكە ئەوان لە پێناو بینینی رۆناڵدۆ بلیتی ئەو یارییەیان بڕیوە، بەڵام رۆناڵدۆش بەشداری یارییەكەی نەكردوە.

رۆژنامەی ئاسی ئیسپانی ئاشكرایكردوە، كە پۆلیسی ئەو وڵاتە دەستی بە لێكۆڵینەوە كردوەو دەیانەوێت هۆكاری راستەقینەی ئامادە نەبونی ئەو یاریزانە ئاشكرا بكەن، لەكاتێدا یانەی یۆڤانتۆس رێكەوتوە لە بەشداریپێكردنی رۆناڵدۆ لە یارییەكەدا.

لە ئێستادا و لەسەر داوای پۆلیسی كۆریای باشور، هەوڵەكان بەردەوامە بۆ لێكۆڵینەوە لە رۆناڵدۆو بۆ ئەو مەبەستەش پۆلیسی ئیتاڵیا ئاگاداركراوەتەوە.

رۆناڵدۆ لەبەردەم ئەگەری زیندانیكردندایە بۆ ماوەی یەك ساڵ، چونكە بۆتە هۆكاری ئەوەی كە هاندەرانی وەرزشی یاریگاكە بە جێبهڵێن، ئەمەش لە وڵاتی كۆریا رێگە پێ نەدراوەو پێشلكردنی یاساییە.

بە پێی رێكەوتنی نێوان هەردو یانە پێویست كریستیانۆ بەلایەنی كەمەوە لەو یارییەدا 50 خولەك بەشداری بكردایە.


نیشانەکردن :

#کریستیانۆ #یۆڤانتۆس

Copyright © 2017 Xendan.org all rights reserved

designed and developed by AVESTA GROUP