ڕیاڵ مەدرید خراپترین ریكۆردی تۆماركردوە

8/1/2019 2:18:00 PM 2181 جار خوێندراوەتەوە

خەندان سپۆرت

 

رۆژنامەی ئاسی ئیسپانی هێرش دەكاتە سەر یانەی ریاڵ مەدرید و ئاشكرایكردوە كە ئەو یانەیە لە مێژوی 40 ساڵی رابردودا لە ماوەی خۆئامادەكردنی بۆ وەرزی نوێ هێندەی ئەم هاوینە ئەنجامەكانی خراپ نەبون.

یانەی ریاڵ مەدرید لە میانەی یارییە دۆستانەو ئامادەكارییەكانی ئەم هاوینە پێنج یاریی ئەنجامداوە، تەنها یەك یاریی سەركەوتنی تۆمار كردوە ئەویش بەرامبەر فینەرباخچەی توركی بوەو سێ گۆڵی لێ تۆماركراوە.

رۆژنامەكە ئامارێكی خستۆتەڕو كە دەری دەخات ئەو یانەیە ئەنجامەكانی زۆر خراپ بون، یانەكە 450 خۆلەك یاریی كردوە، كە شانزە گۆڵی لێ تۆماركراوە، واتە هەر 28 خولەك جارێك تۆڕی یانەی ریاڵ مەدرید هەژێندراوە.

لە ماوەی 40 ساڵی رابردودا یانەكە هێندە خراپ دەرنەكوتوە لە وەرزی ئامادەكاریدا و لە ئێستاوە هاندەرانی یانەكە ترسیان لێ نیشتوەو دڵنیا نین لەوەی كە زیدان دەتوانێت بۆ یاریەكانی وەرزی داهاتو یانەی شاهانە بە شێوەیەكی باش ئامادە بكات.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP