نوێترین لێدوانی كریستیانۆ بۆ ماركا

7/30/2019 11:09:00 AM 6567 جار خوێندراوەتەوە

خەندان سپۆرت

 

رۆژنامەی ماركای ئیسپانی دیمانەیەكی لەگەڵ كریستیانۆ رۆناڵدۆی پورتوگالی ئەنجامداوەو لە ژمارەی ئەمرۆیدا چاوپێكەتنەكەی بڵاو كردۆتەوە.

كریستیانۆ رۆناڵدۆی پورتوگالی دوێنی گەیشتەوە مەدریدی پایتەخت بۆ وەرگرتنی خەڵاتی ئەفسانەی ماركا، كە ئەم خەڵاتە بۆلە پای ئەو خزمەتانەی كە ئەو یاریزانە پێشكەشی تۆپی پێی كردوە پێی بەخشرا.

رۆناڵدۆ سەبارەت بە دەستنیشانكردنی وەك ئەفسانەی ماركا و پێدانی ئەو خەڵاتە وتی .. "ئەم خەڵاتە تەنها بۆ ئەفسانەكانە، بۆیە پێویست بو كریستیانۆ رۆناڵدۆ ئەم خەڵاتەی پێبدرێت، من دەدریدم خۆش دەوێت و دڵنیام لەوەی رۆژێك دەگەڕێمەوە بۆ ئێرە".

لەبارەی بەدەستهێنانی نازناوی چامپیۆنس لیگ لە لایەن یانەی یۆڤانتۆسەوە، رۆناڵدۆ وتی.. " دڵنیام لەوەی كە یانەی یۆڤانتۆس لە توانایدا هەیە نازناوی چامپیۆنس لیگ بەدەستبهێنێت، بەڵام دڵنیا نیم لەوەی كە ئەم وەرزە نازناوەكە دەبات یاخود وەرزی داهاتو".

لە بارەی جێهێشتنی ریاڵ مەدریدەوە ڕۆناڵدۆ وتی.. " من توانیم لەگەڵ ریاڵ مەدرید هەمو نازناوێك بەدەستبهێنم، بۆیە پێویست بو جێگەیەكی نوێ و خولێكی نوێ تاقیبكەمەوە لە پێناو ئەوەی ركابەرییەكان لام زیندو ببنەوەو خۆم ماندو بكەم لە پێناو پێشكەشكردنی ئاستێكی بەرز".



Copyright © 2017 Xendan.org all rights reserved

designed and developed by AVESTA GROUP