مانچستەریونایتد دوای ئەستێرەیەكی یۆڤانتۆس دەكات

7/29/2019 2:54:00 PM 2216 جار خوێندراوەتەوە

خەندان سپۆرت

 

رۆژنامەی مانچستەر نیوز لە هەواڵێكیدا ئاشكرایكردوە كە بەرپرسانی یانەی مانچستەر یونایتد كار بۆ ئەوە دەكەن لە جێگەی گرنگی دان بە دیبالا یاریزانێكی دیكەی خانمە پیرەكە بەرەو ریزەكانی یانەكەیان بگوازنەوە.

هەمان سەرچاوە باسی لەوەش كردوە كە یانەی مانچستەر یونایتد دەیەوێت لە جێگەی دیبالا یاریزانێكی دیكە بكاتە ئامانج و دۆگڵاس كۆتا بۆ ریزەكانی یانەكەی بگوازێتەوە، كە لە یارییەكانی وەرزی رابردو بەشدارییەكی كەمی هەبو لە یارییەكانی یانەكەی.

لەگەڵ ئەوەی ئەو یاریزانە وەرزی رابردو لە بەرامبەر یاریی پێ نەكردنی لە لایەن ئالێگرییەوە هەوڵی جێهشتنی یانەكەی دەدا، بەڵام بە هاتنی ماوریسیۆ ساری ئەگەری زۆرە ئەو یاریزانە لە رۆیشتن پاشگەز بێتەوەو تا ئێستاش داهاتوی بە نادیاری ماوەتەوە.

وەك رۆژنامەكە باسی لێوە دەكات سۆڵشایەری راهێنەری یانەی مانچستەریونایتد سورە لەسەر ئەوەی كاربەدەستانی یانەكەی كار بكەن بۆ گواستنەوەی ئەو یاریزانە تەمەن 28 ساڵە، پاش ئەوەی لە گواستنەوەی دیبالا شكستیان هێنا.



Copyright © 2017 Xendan.org all rights reserved

designed and developed by AVESTA GROUP