ریاڵ مەدرید گرێبەستێكی گرانبەها پێشكەشی پۆگبا دەكات

7/29/2019 1:15:00 PM 4539 جار خوێندراوەتەوە

خەندان سپۆرت

 

بەهۆی سوربونی زیدان لەسەر گواستنەوەی پۆگبا و ئەنجامە خراپەكانی ئەو یانەیە لە یارییە دۆستانەكان، بەرپرسانی یانەی ریاڵ مەدرید گرێبەستێكی گەورە پێشكەشی یانەی مانچستەریونایتد دەكەن لە پێناو گواستنەوەی پۆگبا.

تۆڕی یۆرۆ سپۆرت ئاشكرایكردوە.. كە یانەی ریاڵ مەدرید ئامادەی خۆی نیشانداوە بۆ پێشكەش كردنی گرێبەستێك بە بڕی 167 ملیۆن یۆرۆ لە پێناو گواستنەوەی پۆڵ پۆگبای ئەستێرەی فەرەنسی و یاریزانی یانەی مانچستەر یونایتد.

هەمان سەرچاوە ئەوەشی ئاشكراكردوە كە لەگەڵ ئەوەی بەرپرسانی یانەی مانچستەریونایتد داوای 180 ملیۆن یۆرۆ دەكەن بۆ دەستبەرداربونیان لەو یاریزانە، بەڵام پێدەچیت بەو گرێبەستەی ئیدارەی یانەی شاهانە ڕازی بن.

لە چەند رۆژی رابردوشدا براكەی پۆگبا گومان لە داهاتوی ئەو یاریزانە كردو ئەگەری زۆرە لە نزیكترین ماوەدا پەیوەندی بە یانەی ریاڵ مەدریدەوە بكات.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP