بەیڵ گەشتی بەرەو چین نەكردوە

7/28/2019 5:16:00 PM 3992 جار خوێندراوەتەوە

خەندان سپۆرت

 

زۆرێك لە میدیاكان گرتەیەكی ڤیدیۆی گاریس بەیڵی یاریزانی یانەی ریاڵ مەدریدیان بڵاوكردەوە، كە گوایە ئەو یاریزانە رویكردۆتە چین بۆ ئەنجامدانی گرێبەستێك لەگەڵ جیانگسۆی چینی، بەڵام ئەو گرتە ڤیدیۆیە كۆنەو پێشتر ئەو یاریزانە لەگەڵ تیمی وڵاتەكەی چۆتە چین.

تۆڕی هەوڵی سكای سپۆرتی ئیتاڵی ئاشكرایكردوە.. كە ئەو گرتە ڤیدیۆی ئەمرۆ لە زۆرێك لە میدیاكانی جیهانەوە بڵاو بۆوە كە گوایە بەیڵ بەرەو چین گەشتی كردوە بۆ ئەنجامدانی گرێبەست لەگەڵ یانەیەكی ئەو وڵاتە، دورە لە راستیەوەو ئەو گرتەیەش كە بڵاو بۆتەوە مێژوەكەی دەگەرێتەوە بۆ ئەو كاتەی هەلبژاردەی وێڵز بۆ ئەنجامدانی یارییەكی دۆستانە ڕوی لەو وڵاتە كردبو.

لەگەڵ ئەوەی ناوی ئەو یاریزانە بە یانەیەكی چینییەوە دەبەسترایەوە، بەڵام گفتوگۆكانی شكستی هێناوەو تەنها سێ رۆژیش ماوە بۆ داخستنی بازاڕی گواستنەوەی یاریزانان لە وڵاتی چین.

رۆژنامەی ماركاش دوای بڵاو بونەوەی دەنگۆی مانەوەی گاریس بەیڵ لە یانەی ریاڵ مەدرید ئاشكرایكردوە. كە خێزانی گاریس بەیڵ نایانەوێت بچنە چین و دەیانەوێت لە ئەوروپا بمێننەوە، بابەتەكەش بە شێوەیە نیە كە زیدان رازی بو بێت بە مانەوەی ئەو یاریزانە لە یانەكە.



Copyright © 2017 Xendan.org all rights reserved

designed and developed by AVESTA GROUP