شكستەكەی ئەتلەتیكۆ پێرێز ناچار بە بڕیارێك دەكات

7/28/2019 12:48:00 PM 18608 جار خوێندراوەتەوە

خەندان سپۆرت

 

دوای دۆراندنی یانەی ریاڵ مەدریدی ئیسپانی بە یانەی ئەتلەتیكۆ مەدریدی هاوشاری بە ئەنجامێكی گەورە، بەرپرسانی یانەی شاهانە ترسیان لێ نیشتوە كە یانەكەیان بە هەمان سیناریۆ وەرزی رابردودا تێبپەڕێت و پێرێز لە چەند هەفتەی داهاتودا چەندین بڕیاری نوێ دەردەكات.

سەرەتا سەرۆكی یانەی شاهانە داهاتوی گاریس بەیل و خامێس رۆدریگز و ماریانۆ دیاز لەگەڵ زیدان یەكلادەكاتەوەو لەو بارەییەوە بریاری كۆتایی دەدات.

وە رۆژنامەكە باسی لێوە دەكات تا ئێستاش زیدانی راهێنەری هەڵبژاردەی فەرەنسا سورە لەسەر گواستنەوەی پۆڵ پۆگبای یاریزانی یانەی مانچستەریونایتد، لە پێناو زیاتر بەهێزكردنی هێڵی ناوەندی یانەكەی.

رۆیشتنی گاریس بەیڵ لە یانەكە یەكلا بۆتەوە، بەڵام پێرێز لە هەوڵی ئەوەدایە بڕوا بە زیدان بهێنێت كە جەیمس رۆدریگێز لە یانەكە بمێنێتەوە بە هۆی ئەو پێكانەی دوچاری ئەسینسیۆ بۆتەوە.

وەك رۆژنامەكە باسی لێوە دەكات تەنها چارەنوسی ماریانۆ دیاز بە نادیاری ماتەوە، پێرێزش پێشتر بڕیاری دابو كە كۆتایی بهێنێت بە بازاڕی گواستنەوەی یاریزانان، بەڵام پاش ئەو شكستە بە خێرای لە بڕیارەكەی پاشگەز بۆتەوەو ناچاركراوە بە دەركردنی چەند بڕیارێكی نوێ و ئەگەری هەیە گواستنەوەی پۆگبا یەكێك بێت لە بڕیارە بەپەلەكانی سەرۆكی یانەی مێرەنگی.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP