دەنگۆی گەرانەوەی مۆرینیۆ هەیە بۆ ریاڵ مەدرید

7/27/2019 4:20:00 PM 7421 جار خوێندراوەتەوە

خەندان سپۆرت

 

بەهۆی ئەنجامە خراپەكانی یانەی ریاڵ مەدریدی ئیسپانی لە یارییە دۆستانەو ئامادەكارییەكانی یانەكە بۆ وەرزی داهاتو، بەرپرسانی یانەی شاهانە ترسیان لێ نیشتەو لە ئێستاوە كار بۆ ئەوە دەكەن كە راهێنەرێكی گونجا دەستنیشان بكەن بۆ ئەوەی لە ئەگەری شكستی زیدان لە سەرەتای وەرزەوە دەست بەجێ بیكەنە جێگرەوەی ئەو راهێنەرە فەرەنسیە.

ڕاپۆرتی رۆژنامەكانی ئیساپنپا باس لەوە دەكەن كە بەرپرسانی یانەی ریاڵ مەدرید دوای شكستە قورسەكەیان بەرامبەر یانەی ئەتلەتیكۆ مەدرید، بە تەواوی گومانیان بۆ دروستبوە لەوەی كە زیدان توانای ڕزگاركردنی یانەكەی نەبێت بۆ وەرزی داهاتو، وە هەمان سیناریۆی وەرزی رابردو دوبارە ببێتەوە كەبەسەر یانەی شاهانەدا هات.

 بەشێك لە رۆژنامەكانی مەدرید دەنگۆی ئەوەیان بڵاوكردۆتەوە كە بەرپرسانی یانەكە بیر لەوە دەكەنەوە كە جۆزێ مۆرینیۆ دیاری بكەن بۆ ئەوەی لە ئەگەری دورخستنەوەی زیدان، دەست بە جێ ئەو راهێنەرە بۆ ریزەكانی یانەی ریاڵ مەدرید بگوازنەوە، وە تا ئێستا ئەو راهێنەرە نزیكترین پاڵێوراوە بۆ ئەوەی جێگەی زیدان بگرێتەوە.

ریاڵ مەدرید لە پاڵەوانێتی دۆستانەی جامی یانە پاڵەوانەكان دو یاریی دۆڕاندوەو یارییەكیش لەگەڵ ئارسناڵ هاوتا بوەو بە لێدانی یەكلاكەرەوە سەركەتنی تۆماركردوە.



Copyright © 2017 Xendan.org all rights reserved

designed and developed by AVESTA GROUP