هازارد.. ئامانجمان بەدەستهێنانی سەرجەم نازناوەكانە

7/23/2019 10:07:00 AM 1310 جار خوێندراوەتەوە

خەندان سپۆرت

 

ئەیدین هازاردی بەلجیكی و یاریزانی یانەی ریاڵ مەدریدی ئیسپانی جەخت لەوە دەكاتەوە كە یانەی ریاڵ مەدریدی ئیسپانی هەمو وەرزێك بۆ بردنی سەرجەم نازناوەكان پاڵێوراوە.

یانەی ریاڵ مەدرید لە مێركاتۆی ئەم هاوینەدا تا ئێستا شەش گرێبەستی ئەنجامداوە كە گرنگترینیان ئەیدین هازاردی بەلجیكی بو كە بە بڕیی 100 ملیۆن یۆرۆ لە یانەی چێڵسی ئینگلیزییەوە بۆ نێو ریزەكانی یانەكەی گواستییەوە.

لە لێدوانێكیدا بۆ پێگەی فەرمی یانەی ریاڵ مەدرید ئەو یاریزانە بەلجیكیە وتی.. ئامانجمام لەو وەرزە بەدەستهێنانی سەرجەم نازناوەكانە، وە بە جۆرێك ركابەری دەكەین كە لەسەرجەم وەرزەكاندا نازناوەكان بەدەستبهێنین، لە پیناو دڵخۆشكردنی هاندەرانی یانەی شاهانە.

لە درێژەی قسەكانیدا ئەو یاریزانە بەلجیكیە وتی.. باش دەزانم كە هاندەرانی یانەی ریاڵ مەدرید نازناوی خولی یانە پاڵەوانەكانی ئەوروپان دەوێت، وە ئێستا من لەبەر ئەو نازناوە لێرەم و هەمو توانامان دەخەینەگەڕ لە پێناو بەدەستهێنانی ئەو نازناوەدا.

لە كۆتایدا هازارد وتی.. دەمەوێت بەشداری سەرجەم یارییەكانی پاڵەوانێتیە جیاوازەكان بكەم، وە زۆرترین گۆڵ تۆمار بكەم لەگەڵ بەرزكردنەوەی نازناوەكان.



Copyright © 2017 Xendan.org all rights reserved

designed and developed by AVESTA GROUP