ریاڵ قوربانی بە ئەستێرەیەكی دەدات لە پێناو مباپێ

7/22/2019 11:10:00 AM 22638 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە كە یانەی ریاڵ مەدریدی ئیسپانی لە پێناو گواستنەوەی كیلیان مباپێ،  قوربانی داوە ئەستێرەیەكی یانەكەی.

بەرپرسانی یانەی ریاڵ مەدرید دەیانەوێت بە هۆی فرۆشتنی گاریس بەیڵەوە ئەستێرەی فەرەنسی و یاریزانی یانەی پاریس سانجێرمان مباپێ بۆ ریزەكانی یانەكەیان بگوازنەوەو زیدان لە پێناو بەدەستهێنانی ئەو یاریزانە گاریس بەیلی لە ریزەكانی یانەكەی دەركردوە.

پێگەی دیفنسا سنتڕاڵ ئاشكرایكردوە.. كە دورخستنەوەی گاریس بەیڵ لە یانەی ریاڵ مەدرید پلانێكی یانەی شاهانە بوە بۆ ئەوەی بە رۆیشتنی ئەو یاریزانە تواناكانی مباپێ بەدەست بهێنێت، ئەم پلانە زیدان و پێرێز پێكەوە لەسەری رێككەوتون و تا ئێستا كارەكانیان بەپێی پلانەكە دەڕوات بەرێوە.

هەمان سەرچاوە ئەوەشی ئاشكراكردوە.. كە گاریس بەیڵ ناچارە كەمكردنەوەی موچەكەی، بۆ ئەوەی لە ریزەكانی یانەی ریاڵ مەدرید دوربكەوێتەوە، پێرێزیش ئەو یاریزانەی كردۆتە قوربانی لە پێناو بەدەستهێنانی مباپێ، هەچەندە پێشتر كاری دەكرد بۆ مانەوەی ئەو یاریزانە لە یانەكە. 



Copyright © 2017 Xendan.org all rights reserved

designed and developed by AVESTA GROUP