كاریكاتێر.. هاورێیەتی دی لێخت و دی یۆنگ تێكدەچێت

7/17/2019 5:26:00 PM 7439 جار خوێندراوەتەوە

خەندان سپۆرت

 

لە یارییەكانی وەرزی رابردو دو گەنج لە یانەی ئەیاكس ئەمستردام بە شێوەیەكی بەربڵاو ناویان لە میدیاكانی ئەوروپادا بڵاوبۆوەو هەر بە زوی یانەی بەرشەلۆنەی ئیسپانی دی یۆنگی لاوی بە گرێبەستێك گواستەوە ریزەكانی یانەكەی.

پاشان یانەی بەرشەلۆنە لە هەوڵەكانی بەردەوام بو بۆ ئەوەی نزیكترین هاوڕێی دی یۆنگ بگوازێتەوە بۆ یانەكەی كە ئەویش ماتیاس دی لێخت بو، بەڵام یانە كەتەلۆنیەكە سەركەوتو نەبو لە گواستنەوەی ئەو یاریزانە.

مینۆ رایۆلای بەرێوبەری كارەكانی دی لێخت ئاراستەی یاریزانەكەی بەرەو یۆڤانتۆس گۆڕی و بە گرێبەستێك ئەو یاریزانەی گواستەوە بۆ یۆڤانتۆس، لەگەڵ ئەوەشدا كریستیانۆ رۆناڵدۆی پوروتوگالی داوای لەو یاریزانە كرد بچێتە یۆڤانتۆس.

كاریكاتێرێك لەو بارەیەوە بڵاوبۆتەوە كە ئێستا دو هاورێ كۆنەكەی منداڵی لە یانەی ئەیاكس لە یەكتر دابڕاون و هەریەكەیان رویان لە جەمسەرێكی تۆپی پێ كردوە، دی یۆنگ مێسی هەڵبژارد و دی لێخت رۆناڵدۆ، ئەوانیش هەر یەكەیان یاریزانی تیمەكەی خۆی بە باشتر دەزانێت و بەوهۆیەشەوە شەڕیانە و مێسی رۆناڵدۆش پێكەوە وەستاون و سەیری شەڕی دو هاوڕێ كۆنەكەی ئەیاكس دەكەن.


نیشانەکردن :

#رۆناڵدۆ #مێسی

Copyright © 2017 Xendan.org all rights reserved

designed and developed by AVESTA GROUP