پێرێز.. ریال توانای ئەنجامدانی دو گرێبەستی گەورەی نیە

7/16/2019 3:06:00 PM 13638 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانی لە بەرەبەیانی ئەمرۆدا رایانگەیاندوە كە سەرۆكی یانەی ریاڵ مەدریدی ئیسپانی فلۆرەنتینۆ پێرێز هۆشیاری داوەتە زیدان و بڕیارێكی ئاگرینی ئاڕاستەی زیدانی راهێنەرەی یانەكەی كردوە بەوەی لە نێوان سادیۆ مانی و پۆل پۆگبا پێویستە یەكێكیان هەڵبژێرێت.

پێگەی دیفنسا سنتراڵی نزیك لە یانەی ریاڵ مەدرید رایگەیاندوە كە بڕیارێكی چاوەڕوان نەكراو دراوە لە لایەن سەرۆكایەتی یانەكەوە دەربارەی گرێبەستەكانی داهاتوی یانەكە، پێرێز لە بریارێكدا راهێنەری یانەكەی ئاگاداركردۆتەوە كە پێویستە لە نێوان پۆڵ پۆگبا و سادیۆ مانی یەكێكیان دەستنیشان بكات بۆ ئەوەی یانەكە دەست بە رێكارەكانی گواستنەوەی ئەو یاریزانە بكەن و دواین گرێبەستی یانەكە یەكلابكەنەوە.

پێشتر زیدان لە لێدوانێكیدا بۆ  دیفنسا سنتراڵ وتبوی.. بە دڵنیاییەوە كار بۆ گواستنەوەی پۆگبای یاریزانی یانەی مانچستەریونایتدی ئینگلیزی دەكەین و بە دو گرێبەستی بەهێز كۆتایی بە مێركاتۆی هاوینە دەهێنین و بەهێزەوە بۆ ركابەرییەكانی وەرزی داهاتو ئامادە دەبین.

هەمان سەرچاوە ئەوەشی ئاشكراكردوە.. كە پێرێز لەگەڵ خۆسیە سانچێزی بەرێوبەری گشتی ریاڵ مەدرید كۆبۆتەوەو پێی راگەیاندوە.. كە یانەی ریاڵ مەدرید لە توانایدا نیە كە پارەی دو گرێبەستی گەورە دەبین بكات و پێویستە زیدان بە خێرای لە نێو ئەو دو یاریزانە یەكیان هەڵبژێرێت لە پێناو ئەوەی كاربەدەستانی یانەكە دەست بە هەوڵەكانیان بكەن لە پێناو ئەنجامدانی دواین گرێبەستی یانەكە.



Copyright © 2017 Xendan.org all rights reserved

designed and developed by AVESTA GROUP