كاریكاتێر.. مۆرینیۆ ترسی خستۆتە دڵی راهێنەرانی بۆندس لیگا

7/16/2019 11:47:00 AM 5428 جار خوێندراوەتەوە

خەندان سپۆرت

 

لەچەند رۆژی رابردودا هەواڵی ئەوە بڵاوبۆوە كە لە ئێستادا خۆسێ مۆرینیۆی پورتوگالی و راهێنەری پێشوی یانەی مانچستەریونایتد خۆی فێری زمانی ئەڵمانی دەكات.

مۆرینیۆ بەوە ناسراوە كە پێش ئەوەی رو لە هەر خولێك بكات بۆ راهێنان خۆی فێری زمانی ئەو وڵاتە دەكات، وە بە تەواوی خۆی بۆ وەرگرتنی ئەركێك لە یانەكانی ئەو خولە تەرخان دەكات.

مۆرینیۆ لە چەند رۆژی رابردو وتی.. "دەمەوێت بگەرێمەوە كاری راهێنەرایەتی و تامەزرۆم بۆ گەرانەوە، بەڵام پەلە ناكەم و دەچمە یانەیەك بۆ من گونجاو بێت".

لە ئێستاشدا كاریكاتێرك لە پێگەی گۆڵ بڵاوبۆتەوە كە وانە خوێندنەكەی مۆرینیۆ نیكۆ كۆڤاچی راهێنەری بایرن میونشنی تۆقاندەوەو ترسی لێ نیشتوە كە مۆرینیۆ نیازی وەرگرتنی ئەركی راهێنەرایەتی ئەو یانە ئەڵمانیەی هەبێت و بەهۆیەوە لە كارەكەی دوربخرێتەوە.

 

یەكەم رستەی ئەڵمانی كە مۆرینیۆ دەیەوێت فێری بێت.. "من سپێشەڵ وەنم".



Copyright © 2017 Xendan.org all rights reserved

designed and developed by AVESTA GROUP