پاریس بەهای نێیمار بەرزدەكاتەوە

7/16/2019 10:13:00 AM 20033 جار خوێندراوەتەوە

خەندان سپۆرت

 

نێیمار داسیلڤای بەرازیلی و یاریزانی یانەی پاریس سانجرێمانی فەرەنسی دوێنێ وەك دواهەمین یاریزانی یانەكەی پەیوەندی بە مەشقەكانی یانەكەیەوە كردەوە.

راپۆرتی رۆژنامەكانی فەرەنسا باسیان لەوەدەكرد كە ئەو یاریزانە بەمەبەستی گفتگۆكردن لەگەڵ لیۆناردۆی بەرێوبەری وەرزشی یانەكە گەراوەتەوە پاریس، بۆ ئەوەی میكانزمی گواستنەوەی بۆ بەرشەلۆنە ئاسان بكرێت.

بەڵام وەك رۆژنامەكان باسی لێوە دەكەن یانە پاریسیەكە ئامادە نیە ئاسانكاری بۆ ئەو یاریزانە بكات لە پێناو جێهێشتنی یانەكە و لیۆناردۆ بە نێیماری راگەیاندوە كە هەركات بۆندێكی گران بەهایان بەدەست گەیشت ئەو كات ئامادەن دەسبەرداری بن.

یانەی بەرشەلۆنەش بەهۆی ئەو قەیرانەی داراییەی دوچاری بوە توانای نیە نرخێكی گران بداتە ئەو یاریزانەو تەنها دەیەوێت لە رێگەی پێدانی یاریزانەوەو بە گرێبەستی ئاڵوگۆڕ پێكردن نێیمار بۆ یانەكەی بگەڕێنێتەوە، كە ئەمەش گواستنەوەی ئەو یاریزانە بەرزایلیەی بۆ یانەكەی پێشوی زەحمەتكردوە، چونكە پاریس داوای 300 ملیۆن یۆرۆ دەكات لە بەرامبەر نێیماردا. 



Copyright © 2017 Xendan.org all rights reserved

designed and developed by AVESTA GROUP