كۆتینیۆ نزیكە لە گەرانەوەی بۆ پریمەرلیگ

7/15/2019 9:50:00 PM 5548 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا باس لەوە دەكەن كە فیلیپ كۆتینیۆی بەرازیلی و یاریزانی پێشوی یانەی لێڤەرپوڵی ئینگلیزی نزیكە لە گەرانەوەی بۆ یانە ئینگلیزیەكە.

رۆژنامەی سەنی بەریتانی لە هەواڵێكیدا ئاشكرایكردوە كە یانەی لێڤەرپوڵ و مانچستەریونایتد  كێبركێی یەكتر دەكەن لە پێناو گەرانەوەی كۆتینیۆ بۆ پریمەرلیگ، بەڵام زیاتر یانەی لێڤەرپوڵ لە بەدەستهێنانی تواناكانی ئەو یاریزانە نزیكە.

هەمان سەرچاوە ئەوەشی ئاشكراكردوە كە دوای هاتنی گریزمان بۆ یانەی بەرشەلۆنە، بەرپرسانی یانە كەتەلۆنییەكە لە هەوڵی ئەوەدان كۆتینیۆ لە یانەكە دور بخەنەوەو بیدەنە یانەیەكی دیكە.

لە ئێستاشدا یانەی لێڤەرپوڵ نزیكە لە گەرانەوەی ئەو یاریزانە بۆ ریزەكانی یانەكەی بە شێوەی خواستن و بۆ ماوەی دو وەرز لەگەڵ مافی كرینەوەی یاریزانەكە بە شێوەی هەمیشەی كە بەهای بۆندەكەی 88 ملیۆن پاوەندە. 



Copyright © 2017 Xendan.org all rights reserved

designed and developed by AVESTA GROUP