چیرۆكی رۆیشتنی پۆگبا لە كۆتایی نزیك دەبێتەوە

7/15/2019 7:05:00 PM 10705 جار خوێندراوەتەوە

خەندان سپۆرت

 

رۆژنامەی گاردیانی بەریتانی لە هەواڵێكیدا ئاشكرایكردوە كە پۆڵ پۆگبا بڕیاری كۆتایی داوە لە بارەی مانەوەی لە یانەی مانچستەریونایتد و ساڵی داهاتوش لە ریزی شەیتانە سورەكان بەردەوام دەبێت.

هەرچەندە یانەی ریاڵ مەدریدی ئیسپانی لە هەوڵەكانی بەردەوام بو بۆ گواستنەوەی ئەو یاریزانە فەرەنسیە، بەڵام دواجار كاربەدەستانی یانەی شاهانە هاوشێوەی بەرپرسانی یۆڤانتۆس لە گواستنەوەی ئەو یاریزانە پاشگەزبونەوە، بەهۆی بەرزی نرخی ئەو یاریزانەوە.

بەرپرسانی یانەی مانچستەریونایتد بۆ دەست بەرداربون لەو یاریزانە داوای 170 ملیۆن یۆرۆ دەكەن و ریاڵ مەدریدیش ئامادەی تیا نیە لە 120 ملیۆن یۆرۆ زیاتر بدات بۆ گواستنەوەی پۆگبا.

سۆڵشایەری راهێنەری یانەی مانچستەریونایتدیش لە هەوڵەكانی بەردەوامە بۆ مانەوەی ئەو یاریزانە لە یانەكەو پێشنیاری كاپتنی تیمەكەی بۆ پۆگبا كردوە.

رۆژنامەی گاردیان باس لەوەش دەكات كە ماوەی كەمتر لە یەك مانگ ماوە بۆ گواستنەوەی یاریزانان و تا ئێستاش هیچ یانەیەك بە شێوەیكی فەرمی گرێبەستی پێشكەشی یانەی مانچستەریونایتد نەكردوە لە پێناو گواستنەوەی پۆگبا، ئەمەش مانەوەی ئەو یاریزانە لە یانەكەی زیاتر مسۆگەر دەكات.



Copyright © 2017 Xendan.org all rights reserved

designed and developed by AVESTA GROUP