ئامارەكانی روبەڕوبونەوەی فێدرێر و دیۆكۆڤیچ

7/14/2019 3:05:00 PM 1531 جار خوێندراوەتەوە

خەندان سپۆرت

 

بڕیارە ئێوارەی ئەمرۆ كاتژمێر (4:00) بە كاتی هەرێم یاریی كۆتایی پاڵەوانێتی ویمبڵدۆن لە نێوان رۆجێر فێدرێری سویسری و نۆڤاك دیۆكۆڤیچی سڕبی بەرێوەبچێت.

نۆڤاك دیۆكۆڤیچ لە قۆناغی نیوەی كۆتایی بە ئەنجامی (3-1) كۆمەڵە سەركەوتنی بەسەر رۆبرتۆ باوتیستا ئەگۆت تۆماركردو لەبەرامبەریشدا لە یارییەكی زۆر بەهێزدا رۆجێر فێدرێر بە ئەنجامی (3-1) كۆمەڵە لە نادالی ئیسپانی بردەوە.

دیۆكۆڤیچ لە هەوڵی ئەوەدایە سەركەوتن بەسەر رۆجێر تۆماربكات لە پێناو ئەوەی نازناوی ژمارە پێنج لە مێژوی ئەم پاڵەوانێتیەدا بەدەست بهێنێت، رۆجێر فێدرێریش لە هەوڵی ئەوەدایە ژمارەی پێوانەی ئەم پاڵەوانێتیە بكات بە ناوی خۆیەوەو بۆ جاری نۆیەم لە مێژودا نازناوەكە بەدەست بهێنێت.

لە روبەروبونەوەی راستەوخۆی نێوان ئەم دو تێنسزانە جیهانیە دیۆكۆڤیچ 25 جار سەركەوتنی تۆمار كردوەو فێدرێریش 22 جار، لە كۆی 47 یاریی كە روبەروی یەكتر بونەتەوە لەسەرجەم پاڵەوانێتییەكان.

لە دواین چوار یاریدا دیۆكۆڤیچ سەركەوتنی بەسەر رۆجێر تۆماركردوەو لە كۆی 10 دواهەمین یارییش هەشت جار سەركەوتنی بەسەر مایسترۆ بەدەستهێناوە.

لەسەر یاریگای چیمەنیش دیۆكۆڤیچ دو یاریی سەركەوتنی تۆماركردوەو فێدرێر تەنها یەك یاریی لە یاریزانە سڕبیە بردۆتەوە.


نیشانەکردن :

#تێنسی سەرزەوی

Copyright © 2017 Xendan.org all rights reserved

designed and developed by AVESTA GROUP