یاریزانانی ریاڵ لە مەشقكردن وەستان

7/13/2019 6:42:00 PM 20719 جار خوێندراوەتەوە

خەندان سپۆرت

 

بەهۆی كۆچی دوای برایەكی زینەدین زیدانی راهێنەری یانەی ریاڵ مەدریدی ئیسپانی، لە راهێنانەكانی ئەمرۆی یانەی ریاڵ مەدرید یاریزانانی یانەی شاهانە وەك رێزێك بۆ زیدان خولەكێك بە بێ دەنگی وەستان و مەشقەكانیان راگرت.

رۆژنامەی مۆندۆدیپۆرتیڤۆی ئیسپانی ئەمڕۆ شەممە ئاشكرایكردوە كە دوێنێ زیدان مۆنتڕیاڵی بەجێهێشتوەو بە پەلە بەرەو ئەوروپا گەڕاوەتەوە.

پاشان ئاشكرا بوە كە هۆكاری دوركەوتنەوەی زیدان لە راهێنانی یانەكەی بەهۆی نەخۆشكەوتنی براكەیەوە بوە، كە ئەمرۆ هەوألی مردنی براكەی زیدان بڵاوبۆوە.

رۆژی سێ شەممەی ڕابردو یانەی ریاڵ مەدرید بە پێكهاتەیەكی 29 یاریزانییەوە بەرەو مۆنتڕیاڵی كەندا بەرێكەوتن لە پێناو ئەوەی دەست بە مەشق و ئامادەكارییەكانیان بكەن بۆ وەرزی داهاتو.


نیشانەکردن :

#ریال مەدرید #زێدان

Copyright © 2017 Xendan.org all rights reserved

designed and developed by AVESTA GROUP