ریاڵ مەدرید شەش یاریزانی یانەكەی دەفرۆشێت

7/11/2019 2:50:00 PM 5480 جار خوێندراوەتەوە

خەندان سپۆرت

 

رۆژنامەی ماركای ئیسپانی لە هەواڵێكیدا رایگەیاندوە كە یانەی ریاڵ مەدریدی ئیسپانی پلان بۆ ئەوە دادەنێت كە كۆمەڵێك یاریزانی یانەكەی لە مێركاتۆی هاوینەدا بفرۆشێت لە پێناو ئەوەی پۆڵ پۆگبا لە یانەی مانچستەر یونایتدوە بگوازێتەوە.

هەمان سەرچاوە ئەوەشی ئاشكراكردوە.. كە بەرپرسانی یانەی شاهانە دەیانەوێت 200 ملیۆن یۆرۆ لە فرۆشتنی كۆمەڵێك یاریزان بەدەست بهێنن، بۆ ئەوەی گرێبەستی پۆڵ پۆگبای پێ ئەنجام بدەن كە بەرپرسانی یانە ئینگلیزییەكە داوای 150 ملیۆن یۆرۆ دەكەن بۆ دەسبەرداربونیان لەو یاریزانە فەرەنسییە.

ریاڵ مەدرید تا ئێستا چوار یاریزانی یانەكەی فرۆشتوە كە بە كۆی گشتی هەر چوار یاریزانەكە تەنها 125 ملیۆن یۆرۆیان دەستكەوتوە، كە یانەكە پێویستیەتی ئەم بڕە بۆ 200 ملیۆن یۆرۆ بەرز بكاتەوە.

لە ئێستادا شەش یاریزانی دیكە لە ئەگەری رۆیشتندان لە یانەی ریاڵ مەدرید كە ئەوانیش پێك دێن لە گاریس بەیل و ئیسكۆ لەگەڵ ناڤاس و ڤاسكوێز و ماریانۆ دیاز و خامێس رۆدریگز. 

لە ئێستادا گاریس بەیل و ئیسكۆ ئەو دو یاریزانەن كە یانەی ریاڵ مەدرید هەوڵی فرۆشتنیان دەدات كە بەهای بەیل بە 80 ملیۆن یۆرۆ دیاریكراوە و ئیسكۆش بە 70 ملیۆن یۆرۆ، جگە لەوەش ئیدارەی یانەكە نزیكە لە فرۆشتنی جەیمس رۆدریگز بە بەهای 40 بۆ 50 ملیۆن یۆرۆ.



Copyright © 2017 Xendan.org all rights reserved

designed and developed by AVESTA GROUP