میمی هۆكاری رەتكردنەوەی یانەكانی ئەوروپا ئاشكرادەكات

7/11/2019 1:40:00 PM 6284 جار خوێندراوەتەوە

خەندان سپۆرت

 

موهەند عەلی عێراقی و یاریزانی پێشوی یانەی شوڕتەی عێراقی بەرەو وڵاتی قەتەر بەرێكەوت لە پێناو پەیوەندی كردن بە یانەی دحێلی قەتەرەییەوە.

میمی هێرشبەری هەڵبژاردەی عێراق لە بەرنامەیەكی تەلەفیزیۆنیدا لەبارەی هەڵبژاردنی گرێبەستی یانە قەتەرییەكەو رەتكردنەوەی یانەكانی ئەوروپا وتی.. ترسم لەوە هەبو لە یەكەمین ئەزمونمدا لە ئەوروپا شكستبهێنم و نەتوانم سەركەوتن بەدەست بهێنم، بۆیە یانە قەتەرییەكەم هەڵبژاردوە كە چارەسەرێكی مام ناوەندە بۆ من و دەتوانم لەوێوە گەشەی زیاتر بە تواناكانم بدەم و بەرەو ئەوروپا هەنگاوبنێم.

لە بارەی پەیوەندی كردنی بە یانەی دحێلی قەتەرەییەوە وتی.. من خۆم دەستم بە گفتوگۆكرد لەگەڵ یانەكە و یانەی شورتە هیچ دەست تێوەردانێكیان نەكرد لە گواستنەوەم و هەوڵی زۆریشیان دا لە پێناو ئەوەی كار ئاسانیم بۆ بكەن.

مهند عەلی هێرشبەری عێراقی ناسراو بە میمی شەوی رابردو لە بەغدادی پایتەختەوە بەرەو قەتەر بەرێكەوت بۆ پەیوەندی كردن بە ریزەكانی یانە نوێكەیەوە كە بە برێ 2 ملیۆن دۆلار پەیوەندی بەو یانەیە كردو بوە گرانترین یاریزانی تۆپی پێ لە مێژوی هەڵبژاردەی عێراق.



Copyright © 2017 Xendan.org all rights reserved

designed and developed by AVESTA GROUP