نەگەرانەوەی نێیمار تەواو تۆخێڵی توڕەكردوە

7/10/2019 2:04:00 PM 22420 جار خوێندراوەتەوە

خەندان سپۆرت

 

بەهۆی پەیوەندی نەكردنی نێیماری بەرازیلی و هێرشبەری یانەی پاریس سانجێرمان بە راهێنانەكانی یانەكەی بۆ خۆ ئامادەكردن بۆ وەرزی نوێ، تۆماس تۆخێڵی راهێنەری یانەكە بڕیارێكی قورس دژی ئەو یاریزانە دەردەكات.

رۆژنامەكانی فەرەنسا ئاشكرایان كردوە.. كە تۆخێڵ بە بەرپرسانی یانەكەی راگەیاندوە كە نایەوێت نێیمار بگەڕێتەوە بۆ یانەكەو ئەو یاریزانەی لە پلانەكانی بۆ وەرزی داهاتو دورخستۆتەوە.

ئەم بڕیارەی تۆخێڵ دوای ئەوە هات كە ئەو یاریزانە ئامادە نەبو پەیوەندی بكات بە راهێنانەكانی یانەكەیەوە و مانی گرتوە لە گەڕانەوەو دەیەوێت پەیوەندی بە یانەی بەرشەلۆنە بكات.

شەوی رابردوش ئیدارەی یانەكە بە شێوەیەكی فەرمی بەهای ئەو یاریزانەی دیاریكردو ئامادە نین بە كەمتر لە 222 ملیۆن یۆرۆ ئەو یاریزانە بدەنە یانەیەكی دیكە، لەگەڵ ئەوەشدا پاریس دەیەوێت ئەو یاریزانە بداتە ریاڵ مەدرید، بەڵام نێیمار جگە لە بەرشەلۆنە گواستنەوەی بۆ هەر یانەیەكی دیكە رەتدەكاتەوە. 



Copyright © 2017 Xendan.org all rights reserved

designed and developed by AVESTA GROUP