مانچستەریونایتد چاوی لەسەر یاریزانێكی تۆتنهامە

7/9/2019 5:29:00 PM 4635 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا ئاشكرایان كردوە كە یانەی مانچستەر یونایتدی ئینگلزی پلانی داناوە بۆ گواستنەوەی یاریزانێكی یانەی تۆتنهام لە ئەگەری رۆیشتنی پۆڵ پۆگبا لە ریزەكانی یانە ئینگلیزییەكە.

رۆژنامەی تێلیگرافی بریتانی رایگەیاند.. كە بەرپرسانی یانەی مانچستەر یونایتدی ئینگلیزی لە ئێستاوە كار بۆ ئەوە دەكەن كە دوای رۆیشتنی پۆگبا، یاریزانێكی هێڵی ناوەند بۆ یانەكەیان بگوازنەوە.

هەمان سەرچاوە ئاشكرایكردوە كە ئیدارەی یانە ئینگلیزییەكە  كریستیان ئیركسنی دانیماركی دیاریكردوە لە پێناو ئەوەی بۆ یانەكەی بیگوازێتەوە، كاتێك پۆگبا لەریزەكانی ئەو یانە ئینگلیزییە دەڕوات.

پۆگبا بە شێوەیەكی فەرمی رۆیشتنی لە یانەكەی راگەیاندوەو ناوی ئەو یاریزانە بە یانەكانی ریاڵ مەدردی و یۆڤانتۆسەوە دەبەسترێتەوە، یانەی تۆتنهامیش بە شێوەیەكی فەرمی دەستبەرداری ئیركسنی یاریزانی هیڵی ناوەندی یانەكەی بوەو تا ئیستا ئەو یاریزانە بە بێ یانە ماوەتەوە.



Copyright © 2017 Xendan.org all rights reserved

designed and developed by AVESTA GROUP