نێیمار خۆی یەكلاكردۆتەوە

7/9/2019 10:11:00 AM 43027 جار خوێندراوەتەوە

خەندان سپۆرت

 

نێیمار داسیلڤای بەرازیلی و یاریزانی یانەی پاریس سانجێرمانی فەرەنسی بڕیاری كۆتایی خۆی داوەو ئامادەی تیا نیە بگەرێتەوە بۆ یانەی پاریس سانجێرمان و نایەوێت چیدی لەگەڵ ئەو یانەیە لە یاریكردن بەردەوام بێت.

رۆژنامەی ماركای ئیسپانی لە هەواڵیكیدا ئاشكرایكردوە كە نێیمار پەیوەندی بە سەرۆكی یانەكەیەوە كردوەو پێی ڕاگەیاندوە كە نایەوێت بگەرێتەوە پاریس سانجێرمان و لیۆناردۆی بەرێوبەری وەرزشی ئەو یانەیەش ئاشكرایكردوە كە نێیمار دەیەوێت بروات و تەنها یانەی بەرشەلۆنەش داوای ئەو یاریزانەی كردوە.

هەمان سەرچاوە ئاشكرایكردوە.. كە نێیمار بە شێوەیەكی كۆتای داهاتوی خۆی یەكلاكردۆتەوەو ئامادەی تیا نیە بگەرێتەوە یانەكەو باوكی ئەو یاریزانەش كە بەرێوبەری كارەكانیەتی بە شێوەیەكی ناراستەوخۆ گەرانەوەی كوڕەكەی بۆ پاریس رەتدەكاتەوەو دەڵێت نێیمار تا 15ی ئەم مانگە یاریزانی پاریس دەبێت.

یانەی پاریس سانجێرمانیش بە شێوەیەكی فەرمی بەیانێكی لەسەر ئەو یاریزانە دەركرد بەهۆی ئامادە نەبونی لە مەشقەكانی دوێنی یانەكەی بە بێ ئەوەی یانەكەی ئاگادار بكاتەوە.



Copyright © 2017 Xendan.org all rights reserved

designed and developed by AVESTA GROUP