تیتی وەڵامی مێسی دەداتەوە

7/8/2019 10:54:00 AM 18680 جار خوێندراوەتەوە

خەندان سپۆرت

 

تیتی راهێنەری هەڵبژاردەی بەرازیل و پاڵەوانی كوپا ئەمریكا زۆر بە توندی هێرش دەكاتە سەر لیۆنێل مێسی ئەرژەنتینی و یاریزانی یانەی بەرشەلۆنە.

دوای بەدەستهێنانی نازناوەكەو لە لێدوانێكیدا بۆ رۆژنامەنوسان تیتی وەڵامی ئەو رەخنانەی مێسی داییەوە كە بە گشتی لە پاڵەوانێتیەكەی گرتبو وە رێكخەرانی پاڵەوانێتیەكەی بەوە تۆمەتباركردبو كە جامەكەیان بۆ بەرازیل داناوە و ناوبژیوانان ستەمیان لە ئەرژەنتین كردوە.

ئەو راهێنەرە لەبارەی ئەم قسانەی مێسیەوە پرسیاری ئاراستەكراو لە وەڵامدا وتی.. بەداخەوە من چاوەڕێی ئەو قسانەم لە یاریزانێكی وەك مێسی نەدەكرد، ئەو دەبوایە بەرێزەوە قسەی بكردایە.

راهێنەرەكەی سامبا بەردەوامی دایە قسەكانی و وتی.. من زۆر كات وتومە مێسی یاریزانێكی بێ وێنەیەو ئەو هاوشێوەی بونەوەرێكی ئاسمانیە، من زۆر رێزی لێدەگرم، بەڵام ئەو بێڕێزی بەرامبەر مێژوی بەرازیل كردوەو پێویست بو بە رێزەوە قسە بكات و شكستیان لە پاڵەوانێتیەكە قبوڵ بكات.

تیتی وتیشی.. بەرامی من ناوبژیوانی یارییەكەی بەرازیل و ئەرژەنتین دادپەروەر بو، بەڵام ئەو یاریزانە شایستەی ئەوە نەبو كە لە یارییەكەی چیلی كارتی سوری پێبدرێت و ئەو تەنها شایستەی كارتی زەرد بو.



Copyright © 2017 Xendan.org all rights reserved

designed and developed by AVESTA GROUP