ڤیدیۆ.. ئەمریكا لە هۆڵەندای بردەوە

7/7/2019 8:36:00 PM 2369 جار خوێندراوەتەوە

خەندان سپۆرت

 

لە یاریی كۆتایی یارییەكانی جامی جیهانی خانمان هەڵبژاردەی ئەمریكا بەرامبەر هەڵبژاردەی هۆڵەندا وەستاییەوە.

 

لە نیوەی یەكەمی یارییەكەدا خانمانی هۆڵەندا بە ئاستێكی بەرز دەركەوتن و پارێزگاریان كرد لە تۆڕی گۆڵەكەیان و نیوەی یەكەم بە بێ گۆڵ بۆ هەردو هەڵبژاردە كۆتاییهات.

 

لە نیوەی دوەمی یارییەكەدا خانمانی ئەمریكا بە ئاستێكی بەرز دەركەوتن و لە خولەكی (61)ی یارییەكەدا میگان راپینۆ بە لێدانی سزا گۆڵی پێشكەوتنی بۆ هەڵبژاردەكەی تۆماركرد، پاشان لە خولەكی (69) رۆز لافیل گۆڵی دوەمی بۆ خانمانی ئەمریكا تۆماركرد.

 

سەرئەنجام یارییەكە بە دو گۆڵی بێ وەڵام لە بەرژەوەندی هەڵبژاردەی ئەمریكا كۆتاییهات و نازناوی جامی جیهانی خانمانیان بەدەستهێنا، خانمانی ئەمریكا پارێزگاریان لە نازناوەكە كرد و بۆ جاری چوارەم لە مێژودا نازناوەكەیان بەدەستهێنا.



Copyright © 2017 Xendan.org all rights reserved

designed and developed by AVESTA GROUP