رۆجێر فێدرێر سەركەوتنی تۆماركرد

7/4/2019 6:39:00 PM 1565 جار خوێندراوەتەوە

خەندان سپۆرت

 

لە یارییەكانی پاڵەوانێتی ویمبڵدۆن بۆ تێنسی سەر زەوی كە بە یەكێك لە چوار پاڵەوانێتیە مەزنەكەی تێنسی سەر زەوی دادەنرێت، رۆجێر فێدرێری سویسری لە قۆناغی دوەمی ئەو پاڵەوانێتیە بەرامبەر جای كلاركی بریتانی یاریكرد.

مایسترۆ لەم یارییەدا زۆر بە ئاسانی و بە سێ كۆمەڵەی بێ وەڵام سەركەوتنی بەدەستهێنا، تەنها لە كۆمەڵەی دوەمدا جای كلارك كەمێك بەرگری كرد، بەڵام دواجار ئەو كۆمەڵەیەش بە سودی ئەستێرە سویسرییەكە كۆتاییهات، خاڵی كۆمەڵەكانی یارییەكەش (6-1، 7-6، 6-2) بون.

بەم بردنەوەیە رۆجێر فێدرێری سویسری خۆی گەیاندە قۆناغی سێیەمی پاڵەوانێتییەكە.

هەر لە درێژەی یارییەكانی قۆناغی دوەم لە ئەنجامێكی چاوەڕوان نەكراودا مارین سیلیچ شكستی هێناو ماڵئاوای لە پاڵەوانێتییەكە كرد، كی نیشكۆری ژاپۆنیش سەركەوتنی بۆ قۆناغی سێیەمی پاڵەوانێتییەكەمسۆگەركرد.


نیشانەکردن :

#تێنسی سەرزەوی

Copyright © 2017 Xendan.org all rights reserved

designed and developed by AVESTA GROUP