ئینتەرمیلان لەسەر رۆیشتنی مارتینێز هاتە دەنگ

7/4/2019 5:18:00 PM 3372 جار خوێندراوەتەوە

خەندان سپۆرت

 

كارگێڕی یانەی ئینتەرمیلانی ئیتاڵی بە شێوەیەكی فەرمی سەرجەم ئەو دەنگۆیانە رەتدەكاتەوە كە باس لە گواستنەوەی لاوتارۆ مارتینێز دەكەن بۆ یانەی بەرشەلۆنەی ئیسپانی.

پێگەی كاڵچۆ مێركاتۆ لە هەواڵێكیدا ئاشكرایكردوە.. كە جێگری سەرۆكی یانەی ئینتەرمیلان رەتیكردۆتەوە لە پێناو گواستنەوەی لاوتارۆ مارتینێز ئیدارەی یانەی بەرشەلۆنە گرێبەستیان پێشكەشی یانەی ئینتەرمیلان كردبێت.

خافێر زانێتی ئەرژەنتینی لە بارەی ئەو دەنگۆیانەی كە كارگێڕی یانەی بەرشەلۆنە گرنگی بە گواستنەوەی ئەو یاریزانە دەدەن وتی.. ئێمە دڵخۆشین بەو ئاستەی لاوتارۆ مارتینێز لەگەڵ هەڵبژاردەی ئەرژەنتین پێشكەشی دەكات و بە هەمو توانامانەوە پارێزگاری لە مانەوەی ئەو هێرشبەرە دەكەین و بەراستی ئەوە كارێكی قورسە كە یاریزانێكی تەمەن 21 ساڵ خاوەنی ئەو كەساییەتیە بەهێزە بێت، بەڵام تا ئێستا لە رێگەی هیچ یانەیەكەوە داوامان بە دەست نەگەیشتوە لە بارەی گواستنەوەی ئەو یاریزانە، كە بێگومان هەر گرێبەستێكمان پێشكەش بكرێت ئێمە رەتیدەكەینەوە لە پێناو مانەوەی ئەو یاریزانە لە یانەكە.

سەبارەت بە یاریی هەڵبژاردەكەشی بەرامبەر هەڵبژاردەی بەرزایل زانێتی وتی.. ئێستا گۆڕانكاری لە تۆپی پێدا هاتۆتە پێش و سیستەمی ڤار هەیە كە هاوكارییەكی باشی ناوبژیوانانی نێو یاریگا دەكات، پێویست بو نابژیوان بە پشت بەستن بە سیستەمی ڤار گۆڵی دوەمی بەرزایلی رەتبكردایەتەوەو دانی ئالێڤسی بە كارتی سور دەربكردایەو لەگەڵ ئەوەش لێدانێكی سزا بۆ هەڵبژاردەی ئەرژەنتین هەژمار بكرایە.



Copyright © 2017 Xendan.org all rights reserved

designed and developed by AVESTA GROUP