ئەو خانمەی بەڵێنی ماچی بە یاریزانانی پیرۆ دابو هاتە دەنگ

7/4/2019 3:28:00 PM 23626 جار خوێندراوەتەوە

خەندان سپۆرت

 

ستیڤانی كایۆی و خانمە هونەرمەند و نمایشكاری پیرۆی بەڵێنی دا كە خاوەنی قسەی خۆی بێت و ئەو بەڵێنەی بە یاریزانانی پیرۆی دابو بە پێدانی ماچ ببیباتەسەر.

پێشتر ئەم خانمە لە تویتێكدا بە ڵێنی بە یاریزانانی هەڵبژاردەی وڵاتەكەی دابو كە هەر یاریزانێك گۆڵی سەركەوتن بۆ پیرۆ تۆماربكات، ئامادەم ماچی پێبدەم.

 دوای یارییەكەو گەیشتنی پیرۆ بە یاریی كۆتایی كوپا ئەمریكا كایۆ لە تویتەری تایبەت بەخۆی چەند جارێك تویتی كردو تێیدا نوسیویەتی.. ئەمە چ كەرنەڤاڵێكی گەورەیە، تیمێكی راستەقینە یاریكرد و شایەنی ماچكردنن، ئەمە چ دڵخۆشییەكە، ماچ بۆ تیمی وڵاتەكەم.

  پاشان ئەو خانمە تویتێكی دیكەی كردو دەڵێت.. ئەو رۆژە هات، ئەو رۆژە هات، كەمەبەستی گەیشتن بە كۆتاییە، پاشان ناوی گالێسی گۆڵپارێزی وڵاتەكەی نوسیوەو دڵێكی لە گەڵ ناوەكەی داناوە، ئەو گۆڵپارێزە لە دو یاریی رابردوی هەڵبژاردەكەی بەهۆی ئەو ئاستە بەرزەی پێشكەشی كردوە بە باشترین یاریزانی یارییەكە دیاریكراوە.

هەڵبژاردەی پیرۆ لە قۆناغی نیوەی كۆتایی پاڵەوانێتی كوپا ئەمریكا بە سێ گۆڵی بێ وەڵام سەركەوتنی بەسەر چیلی تۆماركردو دوای 44 ساڵ ئەو هەڵبژاردەیە گەیشتە یاریی كۆتایی ئەو پاڵەوانێتییە.


نیشانەکردن :

#كوپا ئەمریكا

Copyright © 2017 Xendan.org all rights reserved

designed and developed by AVESTA GROUP