میلان لە گواستنەوەی یاریزانێكی ریاڵ مەدرید پاشگەزبۆوە

7/4/2019 2:54:00 PM 6010 جار خوێندراوەتەوە

خەندان سپۆرت

 

سكای سپۆرت لە هەواڵێكیدا ئاشكرایكردوە كە كارگێری یانەی ئەی سی میلانی ئیتاڵی لە بیرۆكەی گواستنەوەی یاریزانێكی یانەی ریاڵ مەدرید پاشگەزبونەوە.

یانەی میلان لە پلانی نوێی بۆ وەرزی داهاتو كاری بۆ ئەوە دەكرد كە دانی سیبایۆسی یاریزانی یانەی ریاڵ مەدریدی ئیسپانی بەرەو یانەكەی بگوازێتەوە.

سكای سپۆرت لە بارەی دواین هەوڵەكانی یانەی میلانەوە بۆ گواستنەوەی یاریزانێكی ریاڵ مەدرید ئاشكرایكردوە.. كارگێری یانەی رۆسۆنێری بە تەواوی لەو بیرۆكەیە پاشگەز بونەوە كە دەیانویست كار بكەن بۆ گواستنەوەی دانی سیبایۆسی یاریزانی یانەی شاهانە.

هەمان سەرچاوە ئەوەشی ئاشكراكردوە.. كە یانەی ریاڵ مەدریدی ئیسپانی كۆمەڵێك مەرجی هەبوە بۆ گواستنەوەی ئەو یاریزانە و ئیدارەی میلانیش بەهۆی ئەو مەرجانەی یانەی شاهانەوە لە گواستنەوەی ئەو یاریزانە پاشگەزبونەتەوە.

هۆكاری رێكنەكەوتنی ئەو دو یانەیە بۆ ئەوە دەگەرێتەوە كە یەكێك لە مەرجەكانی ریاڵ مەدرید ئەوە بوە كە سبایۆس بە خواستن بچێتە میلان و هەركات یانەی  مێرەنگی ویستی هەبو لەسەر گەرانەوەی ئەو یاریزانە، ئیدارەی یانە ئیتاڵییەكە رێگری نەكەن گەرانەوەی سیبایۆس بۆ ریاڵ مەدرید.



Copyright © 2017 Xendan.org all rights reserved

designed and developed by AVESTA GROUP