ڤیدیۆ.. بەرازیل خۆی گەیاندە یاریی كۆتایی

7/3/2019 10:10:00 AM 12474 جار خوێندراوەتەوە

خەندان سپۆرت

 

لە یارییەكانی پاڵەوانێتی كوپا ئەمریكا و لە قۆناغی نیوەی كۆتایی ئەو پاڵەوانێتیەدا هەڵبژاردەی بەرازیل بەرامبەر هەڵبژاردەی ئەرژەنتین وەستایەوە.

لەسەرەتای یارییەكەوە یاریزانانی هەڵبژاردەی بەرازیل بە ئاستێكی بەرز دەركەوتن و بە سود وەرگرتن لە یاریگا و هاندەرانی خۆیان دەستیان بە هێرشكردن كرد بۆ سەر تۆڕی گۆڵی هەڵبژاردەی ئەرژەنتین و لە ئەنجامی ئەم فشارانەدا گابریل خیسۆس لە خولەكی (19)ی یارییەكەدا گۆڵی پێشكەوتنی تۆماركرد، نیوەی یەكەمی یارییەكە بە ئەنجامی گۆڵێكی بێ بەرامبەر لە بەرژەوەندی بەرازیلییەكان كۆتاییهات.

لە نیوەی دوەمی یارییەكەدا هەرچەندە یاریزانانی هەڵبژاردەی ئەرژەنتین بە ئاستێكی باشتر دەركەوتن، بەڵام سەركەوتو نەبون لە یەكسانكردنەوەی ئەنجامەكە تا لە خولەكی (71) رۆبێرتۆ فێرمینۆ گۆڵی دوەمی بۆ هەلبژاردەكەی تۆماركرد.

سەرئەنجام هەڵبژاردەی بەرازیل بە دو گۆڵی بێ وەڵام یاریەیكەی لە بەرژەوەندی خۆی كۆتای پێهێنا و سەركەوتنیان بۆ یاریی كۆتایی مسۆگەركرد، مێسی و هاوڕێكانیشی جارێكی دیكە لە بەدەستهێنانی نازناوەكە شكستیان هێناو ماڵئاوایان لە پاڵەوانێتییەكە كرد.



Copyright © 2017 Xendan.org all rights reserved

designed and developed by AVESTA GROUP