تیتی.. شەوی رابردو نەمتوانیوە بە باشی بخەوم

7/2/2019 5:12:00 PM 5883 جار خوێندراوەتەوە

خەندان سپۆرت

 

راهێنەری هەڵبژاردەی بەرازیل باس لە یاریی هەڵبژاردەكەی دەكات بەرامبەر هەڵبژاردەی ئەرژەنتین و دوای لە هاندەرانی سامبا دەكات لەو یارییەدا پشتگیریان بكەن.

بریارە بەرەبەیانی رۆژی چوار شەممە و كاتژمێر 3:30 بە كاتی هەرێمی كوردستان بەرازیل و ئەرژەنتین  روبەروی یەكترببنەوەو یارییەكەش لە یاریگای مینیراو بەرێوەدەچێت.

تیتی لە لێدوانێكی رۆژنامەوانیدا وتی.. ئەو گەرم و گوڕییەی لە هاندەرانی هەڵبژاردەكە بینیمان لە كاتی گەڕانەوەمان بۆ هۆتێل ئەگەر لە نێو یاریگادا هەمان شت دوبارە بكەنەوە بێگومان تەواوی هەڵبژاردەكە سوپاسگوزاردەبین بۆ ئەو هەڵوێستەی هاندەران و ئێمە پێویستمان بە یارمەتی ئەوان هەیە.

راهێنەرەكەی بەرازیل وتیشی.. بە شیوەیەك فشارم لەسەر دروست بوە بەهۆی ئەم یارییەی ئەرژەنتینەوە، شەوی رابردو نەمتوانیوە بە باشی بخەوم.

لەكۆتایدا راهێنەری هەڵبژاردەی بەرازیل وتی..  ئێمە لەسەر ئەم یاریگایە بە ئەنجامی (7-1) گۆڵ بە هەڵبژاردەی ئەڵمانیا دۆڕاوین، بەڵام بە ئەنجامی سێ گۆڵی بێ بەرامبەریش لە هەڵبژاردەی ئەرژەنتینمان بردۆتەوە، دەبێت ئەو راستیە بزانین كە ئەنجامی هیچ یارییەكیان كاریگەری لەسەرمان جێناهێڵێت و دەبێت هەمو هەوڵی خۆمان بدەین لە پێناو بردنەوەدا.



Copyright © 2017 Xendan.org all rights reserved

designed and developed by AVESTA GROUP