لێدوانی سكالۆنی بۆ یارییەكەیان بەرامبەر بەرازیل

7/2/2019 4:21:00 PM 2572 جار خوێندراوەتەوە

خەندان سپۆرت

 

لیۆنێل سكالۆنی راهێنەری تۆپی پێی هەڵبژاردەی ئەرژەتین پێش ئەنجامدانی یارییەكەیان بەرامبە هەڵبژاردەی بەرازیل لە لێدوانێكی رۆژنامەوانیدا باسی لە ئامادەكارییەكانی هەڵبژاردەكەی كردو لەگەڵ ئەوەشدا ئەو راهێنەرە رەتیكردوە هیچ شتێك لەسەر پێكهاتەی سەرەكی هەڵبژاردەكەی ئاشكرابكات.

بریارە بەرەبەیانی رۆژی چوار شەممە و كاتژمێر 3:30 بە كاتی هەرێمی كوردستان، بەرازیل و ئەرژەنتین بەرامبەر یەك دەوەستنەوە، یارییەكەش لە یاریگای مینیراو بەرێوەدەچێت.

سكالۆنی پێش یارییەكەو لە كۆنگرەیەكی رۆژنامەوانیدا وتی.. یارییەكە بەهێز و پڕ ململانێ دەبێت، باس لەوە دەكرێت كە بۆ ئەم یارییە من بە شێوەیەكی سەرەكی پشت بە ئەگوێرۆ نابەستم، بەڵام ئەوە دورە لە راستییەوەو گومان لەوەدا نیە كە ئەگوێرۆ لە پێكهاتەی سەرەكی دەبێت، بەڵام نامەوێت زیاتر لە بارەی پێكهاتەی سەرەكی هەڵبژاردەكەوە ئاشكرابكەم.

راهێنەرەكەی ئەرژەنتین وتیشی.. بۆ ئەوەی لەم یارییەدا بە ئاستێكی بەرز دەركەوین پێویستە ناوەڕاستی یاریگا لە بەرژەوەندی خۆمان كۆنتڕۆڵ بكەین، چونكە بەرازیل خاوەنی كۆمەلێك یاریزانی بە توانایە لە هێڵی ناوەڕاستی یاریگادا.

سكالۆنی باس لە راهێنەری بەرزایل دەكات و دەڵێت.. تیتی لە بواری راهێنەرایەتیدا كەسێكی بەتوانایەو ئەزمونێكی زۆری هەیە، بۆیە پێویستە زۆر بە وریاییەوە مامەڵە لەگەڵ یارییەكەدا بكەین.

لە كۆتایدا سكالۆنی وتی.. بەراستی من لەگەڵ ئەوەدا نیم كە دوای كۆتایی هاتنی كاتی یاسایی یارییەكە راستەوخۆ پەنا ببرێتە بەر لێدانی یەكلاكەرەوە.



Copyright © 2017 Xendan.org all rights reserved

designed and developed by AVESTA GROUP