كافۆ باس لە یارییەكەی ئەرژەنتین و بەرازیل دەكات

7/2/2019 2:46:00 PM 8176 جار خوێندراوەتەوە

خەندان سپۆرت

 

كافۆی یاریزانی پێشوی هەڵبژاردەی بەرازیل و پاڵەوانی مۆندیالی ساڵی 2002 لە لێدوانێكیدا بۆ رۆژنامەنوسان باسی لە یارییەكەی ئەرژەنتین و بەرازیل كردو پێشبینی خۆشی بۆ ئەو یارییە ئاشكراكرد.

بەرەبەیانی رۆژی چوار شەمە لە كلاسیكۆی جیهاندا هەڵبژاردەی بەرازیل لە یارییەكانی قۆناغی نیوەی كۆتایی و لەسەر یاریی خۆی بەرامبەر هەڵبژاردەی ئەرژەنتین یاریی دەكات و لە پێناو یاریی كۆتایی پاڵەوانێتییەكە دەجەنگن.

لەمبارەییەوە كافۆی بەرازیلی لە لێدوانێكیدا بۆ رۆژنامەنوسان وتی.. ئەم یارییە بۆ هەردو هةلبژاردە یارییەكەی زەحمەت دەبێت، بەڵام دڵنیام لەوەی كە هەڵبژاردەی بەرازیل سەركەوتن تۆماردەكات و دەگاتە یاریی كۆتای ئەم پاڵەوانێتییە.

كافۆی تەمەن 49 ساڵ وتیشی.. بەرازیل نەك هەر دەگاتە كۆتایی پاڵەوانێتی كوپا ئەمریكا، بەڵكو ئەو هەڵبژاردەیە نازناوەكەش بە دەست دەهێنێت، بەهۆی ئەو یاریزانەی لە هەلبژاردەكە یاریی دەكەن.

كاپتنەكەی پێشوی هەڵبژاردەی بەرازیل وتیشی.. بە دڵنیاییەوە كە بەرازیل سەكەوتن بەسەر ئەرژەنتین تۆماردەكات، بەڵام ئەوەی كە دڵنیانیم لێی ئەوەیە كە نازانم لە یاریی كۆتایی بەرامبەر پیرۆ یاریی دەكەن یاخود چیلی.



Copyright © 2017 Xendan.org all rights reserved

designed and developed by AVESTA GROUP