رۆژنامەیەكی مەدریدی داهاتوی پۆگبا ئاشكرا دەكات

6/30/2019 11:56:00 AM 14253 جار خوێندراوەتەوە

خەندان سپۆرت

 

رۆژنامەی ئاسی ئیسپانی لە هەواڵێكیدا ئاشكرایكردوە كە پۆڵ پۆگبای فەرەنسی و یاریزانی یانەی مانچستەریونایتدی ئینگلیزی زۆر نزیكە لە گەرانەوەی بۆ یانەی یۆڤانتۆسی ئیتاڵی و ئەگەری زۆرە یانەی ریاڵ مەدرید گواستنەوەی ئەو یاریزانە لەدەست بدات، كە یەكێك بو لە ئامانجەكانی ئەو وەرزەی یانەكە.

ئەو رۆژنامەیە ئاماژەی بەوەداوە كە ئەو یاریزانە بڕیاری كۆتایداوە لە باری جێهێشتنی یانەكەی و لە ئێستادا دەرگاكانی یانەی یۆڤانتۆس بە روی ئەو یاریزانەدا كراوەتەوەو ریاڵ مەدریدیش گرنگی بە گواستنەوەی ئەو ئەستێرە فەرەنسییە دەدات.

سەرەتا یانەی مانچستەریونایتد رێگری دەكرد لە رۆیشتنی پۆگبا، بەڵام ئەو یاریزانە رەتیكردەوە بمێنێتەوەو ئیدارەی یانەكەش رەزامەندیان نواند لەسەر رۆیشتنی، هەربۆیە هەفتەی داهاتو مانچستەریونایتد گەشتی ئوسترالیا دەكات بۆ خۆئامادەكردن بۆ وەرزی نوێ و پۆگبا بەشداری ئەو گەشتە ناكات.

رۆژنامەی ئاس ئاشكرایكردوە كە پۆگبا ئامادەی ئاهەنگێگ بوە كە بارزالی بە هۆی وازهێنانییەوە رێكیخستەوەو لەو ئاهەنگەشدا ئەو ئەستێرە فەرەنسییە بە بارزالی راگەیاندوە كە خواستی گەرانەوەی هەیە بۆ یانەی یۆڤانتۆس، هەفتەی رابردوش پەیوەندییەكی تەلەفۆنی لەگەڵ ساری ئەنجامداوەو سەرسامی خۆی دەربڕیوە بە پرۆژە نوێكەی ئەو راهێنەرە.

رۆژنامەی ئاس باس لەوەش دەكات كە مینۆ رایۆلای بەرێوبەری كارەكانی ئەو یاریزانە پەیوەندی باشی نیە لەگەڵ یانەی ریاڵ مەدرید و هەر بۆیە ئەگەری زۆرە رایۆلا پۆگبا بەرەو یۆڤانتۆس بگێڕێتەوە، چونكە هەرو ئەو كەسایەتیە بە تەواوی ئاراستەی دی لێختی لە بەرشەلۆنەوە بۆ یۆڤانتۆس گۆڕی.



Copyright © 2017 Xendan.org all rights reserved

designed and developed by AVESTA GROUP