ڤیدۆ.. بەرازیل پیرۆی گۆڵبارانكرد

6/23/2019 12:06:00 AM 4966 جار خوێندراوەتەوە

خەندان سپۆرت

 

لە میانەی یارییەكانی پاڵەوانێتی كوپا ئەمریكا و لە قۆناغی كۆمەڵەكان و لە گەڕی سێیەمدا هەڵبژاردەی بەرازیل بەرامبەر پیرۆ و ڤێنزوێلاش بەرامبەر بۆلیڤیا یاریكرد.

 

لەم یارییەدا بەرازیل بە ئاستێكی بەرز دەركەوت و نیوەی یەكەمی یارییەكە بە سێ گۆڵی بێ وەڵام پێشكەوت، گۆڵەكانیش (كاسمێر و فێرمینیۆ و سۆسا سوارێز)لە خولەكەكانی (12 و 19 و 32) تۆماریان كرد.

 

لە نیوەی دوەمیشدا بەرازیلییەكان لەسەر ئاستە بەرزەكەیان بەردەوام بون و دو گۆڵی دیكەیان لە رێگەی (دانی ئالڤێس و ویلیان) تۆماركرد لە خولەكەكانی (53 و 90)ی یارییەكەدا.

 

سەر ئەنجام هەڵبژاردەی بەرازیل بە پێنج گۆڵی بێ وەڵام سەركەوتنی تۆماركردو بە پلەی یەكەم خۆی گەیاندە قۆناغی دوەم.

 

هەڵبژاردەی ڤێنزوێلاش بە ئەنجامی (3-1) گۆڵ لە هەڵبژاردەی بۆلیڤیای بردەوەو بە پلەی دوەمی خۆی گەیاندە قۆناغی دوەمی پاڵەوانێتیەكە، هەڵبژاردەی پیرۆش بە كۆكردنەوەی 4 خاڵ پلەی سێیەمی گرتوەو چاوەڕوانە بۆ ئەوەی وەك یەكێك لە باشترین تیمەكانی پلەی سێیەمی خۆی بگەیەنێتە قۆناغی دوەم. 



Copyright © 2017 Xendan.org all rights reserved

designed and developed by AVESTA GROUP