گرێبەستی داهاتوی ریاڵ مەدرید ئاشكرابو

6/12/2019 9:24:00 PM 42089 جار خوێندراوەتەوە

خەندان سپۆرت

 

سەرۆكی یانەی ریاڵ مەدریدی ئیسپانی فلۆرەنتینۆ پێرێز لە هەڵمەتی گواستنەوەی یاریزانان و ئەستێرەكانی تۆپی پێ بەردەوامە بۆ یانەكەی و لە چەند كاتژمێری داهاتودا یانەی ریاڵ مەدرید گرێبەستێكی دیكەی فەرمی رادەگەیەنێت.

رۆژنامەی ماركای ئیسپانی لە هەواڵێكیدا ئاشكرایكردوە كە ئیدارەی یانەی ریاڵ مەدریدی ئیسپانی بە شێوەیەكی فەرمی لەگەڵ بەرگریكاری چەپی هەڵبژاردەی فەرەنسا و یانەی لیۆن فێرلاند مێندی رێكەوتوەو ئەو بەرگریكارەی بە بڕیی 50 ملیۆن یۆرۆ بۆ یانەكەی گواستۆتەوە و بەنزیكانەش گرێبەستەكە رادەگەیەنرێت.

هەمان سەرچاوە ئەوەشی ئاشكرا كردوە كە ئەو یاریزانە بەمنزیكانە پشكنینی پزیشكی بۆ ئەنجام دەدرێت و بە شێوەیەكی فەرمی لەلایەن یانەكەوە دوای تێپەڕاندنی پشكنینە پزیشكییەكان بە دەزگاكانی راگەیاندن دەناسێنرێت.

پێش یارییەكەی فەرەنسا بەرامبەر ئەندۆرا راهێنەری فەرەنسا دیشامپ راستی پەیوەندی كردنی مێندی تەمەن 23 ساڵانی بە یانەی ریاڵ مەدریدەوە پشت راستكردەوە.



Copyright © 2017 Xendan.org all rights reserved

designed and developed by AVESTA GROUP