هازارد مەدریدیەكان توڕە دەكات

6/11/2019 4:34:00 PM 12950 جار خوێندراوەتەوە

خەندان سپۆرت

 

ئەستێرە نوێكەی یانەی ریاڵ مەدریدی ئیسپانی ئەیدین هازارد رەتیدەكاتەوە كە لەگەڵ لیۆنێل مێسی یاریزانی یانەی بەرشەلۆنە بەراورد بكرێت و پێی وایە جیاوازییەكی زۆر هەیە لە نێوانیاندا.

رۆژنامەیەك پرسیاری ئەوەی لە هازارد كردوە كە دەكرێت لەگەڵ مێسی یاریزانی یانەی بەرشەلۆنە بەراورد بكرێت، لەوەڵامدا ئەو یاریزانە بەلژیكییە وتوێتی.. ئەوە مەحاڵە.

هازارد لە بارەی "مێسی" یەوە ووتی.. من و مێسی باڵامان و خێرایمان وەك یەكە، بەڵام هەرگیز توانای یاریكردنمان وەك یەك نیە، چونكە مێسی لە هەموو یارییەك گۆڵ تۆمار دەكات و من ناتوانم بەو شێوەیە دەربكەوم و ئەو توانایەم نیە ركابەری ئەو یاریزانە بكەم، چونكە مێسی باشترین یاریزانە لە مێژوی تۆپی پێداو هیچ یاریزانێك لە ئاست و توانای ئەو یاریزانەدا بێت.

لە كۆتایدا ئەو یاریزانە بەلژیكیە وتی.. ناكرێت هیچ یاریزانێك له‌ ریزی مێسی دابنرێت، بێگومان بە هیچ یاریزانێك بەراورد ناكرێت.

ئەم قسانەی هازارد بوەتە هۆكارێك بۆ توڕە بونی هاندەرانی یانەی ریاڵ مەدرید، چونكە هاندەرانی مێرەنگی هێشتا پێیان وایە كریستیانۆ رۆناڵدۆ باشترین یاریزانە لە مێژوی تۆپی پێی ئیسپانیاو جیهاندا.



Copyright © 2017 Xendan.org all rights reserved

designed and developed by AVESTA GROUP