پۆگبا بەرگری لە ئیسلام دەكات

6/11/2019 12:05:00 PM 3789 جار خوێندراوەتەوە

خەندان سپۆرت

 

پۆڵ پۆگبای فەرەنسی و یاریزانی یانەی مانچستەریونایتدی ئینگلیزی بەرگری لە ئاینی پیرۆزی ئیسلام دەكات و دەڵێت كەس بۆی نیە ئیسلام بە ئاینی تیرۆر ناوببیات.

لە نوێترین لێدوانیدا جەوهەرە رەشەكەی فەرەنسا ووتی.. ئیسلام ئاینێكی زۆر جوانەوەو تەواوی بیركردنەوەی منی گۆڕی و رەفتارو رەوشتنی منی بەرەو كەسێكی زۆر باشتر گۆڕی.

پۆگبا لە درێژەی لێدوانەكەیدا دەڵێت.. من كەسێكی دڵخۆش نەبوم و بەردەوام دڵ تەنگ بوم، بەڵام بەهۆی كۆمەڵێ هاوڕێمەوە ئەم دینە جوانەم ناسی و بە باسكردنی ئاینەكەیان بۆم هەستم بە ئاسودەی دەكردو زیاتر دڵخۆش دەبوم.

ئەو یاریزانە ووتیشی.. ئەوانەی پەنا دەبەنە بەر توندو تیژی و بەناوی ئیسلامەوە، ئەوانە هەرگیز لەو ئاینە نەگیشتون و بۆ مەرامی خۆیان دینی ئیسلام بەكار دەهێنن، چونكە ئیسلام دینی لێبوردەی و ئاشتیە هەرگیز ئەو جۆرە رەفتارانە لە نێو بەرنامەی ئیسلامدا جێگەی نابێتەوەو ئەو ئاینەو پێغەمبەرەكەشی ئەو رەفتارانە لە كەس قبوڵ ناكەن.

پۆگبا وتیشی.. ئێمە نوێژ لەسەرمان فەرز كراوەو لە رۆژێكدا پێنج جار ئەنجامی دەدەین، كاتێك نوێژەكانت ئەنجام دەدەیت دڵ و دەرونت ئارام دەبێت، وە ئەگەر لە ماناكەی تێبگەیت بۆت دەردەكەوێت كە لێبوردەی و لێخۆشبونی تیایەو سوپاسگوزاری ئەو نیعمەتانە دەبیت كە خوای گەورە پێی بەخشیویت و بۆ هەمو بەخشینێكی سوپاسگوزاری.

پۆگبا باس له‌ هۆكاره‌كانی موسڵمانبوونی خۆی ده‌كات و ده‌ڵێت.. ئه‌وه‌ی وایلێكردم ببمه‌ موسڵمان ئه‌و‌ لێبورده‌ییه‌یه‌ كه‌ له‌نێو موسڵماناندا هه‌یه‌، له‌وه‌ش گرنگتر لای ئه‌وان ره‌گه‌زپه‌رستی و جیاوازی له‌ نێوان ره‌شپێست و سپیپێستدا نییه‌، هەرگیز رەنگی پێستت لای ئەوان هۆكارێك نیە بۆ باشی و خراپی تۆ و گرنگی بە رەنگ نادەن و تەنها گرنگی بە كەسایەتی و رەوشتت دەدەن.

لە كۆتایدا ئەو یاریزانە ووتی.. كاتێك بیری رۆژی دوایت دەخرێتەوە، ئینجا تێدەگەیت كە ئەم ژیانە تەنها تاقیكردنەوەیەك بۆت و ژیانی راستەقینەو لەودنیا دەست پێدەكات و پێویستە رەوشت و ئاكار و ئەخلاقێكی جوانت هەبێت لە پێناو رازی بونی خودای مەزن.

 



Copyright © 2017 Xendan.org all rights reserved

designed and developed by AVESTA GROUP