یاریزانێك رۆژی مردنی خۆی دیاریدەكات

6/10/2019 6:34:00 PM 17230 جار خوێندراوەتەوە

خەندان سپۆرت

 

فێرناندۆ رێكسنی هۆڵەندی و یاریزانی پێشوی یانەكانی گلاسكۆرینجەرسی سكۆتلەندی و زینت سانبترسبۆرگی روسی، بەهۆی ئەو نەخۆشیە دەگمەنەی دوچاری بوە بریاریدا كۆتایی بە ژیانی خۆی بهێنێت.

رۆژنامەی میرۆری بەریتانی ئاشكرایكردوە.. كە ئەو یاریزانە تەمەن 42 ساڵە بەهۆی نەخۆشییەكی دەگمەنەوە لە ساڵی 2013ەوە دوچاری شەلەل دەماغ بوەو تەواوی جەستەشی لەكاركەوتوەو بەردەوام ماسولكەكانی جەستەی بەرەو پوكانەوە دەچێت.

رۆژنامەكە ئەوەشی ئاشكرا كردوە ئەو یاریزانە بەهۆی ئەو دۆخەی تێیدایە تەواو بێزار بوە لە ژیان و دەیەوێت كۆتای بە ژیانی خۆی بێنیت و بڕیارە لە 28 ئەم مانگە بە شێوەیەكی یەكجارەكی و لەسەر خواستی خۆی ماڵئاوای لە ژیان بكات.

لەوڵاتی بەریتانیا و بە پێ یەكێك لە یاساكانی ئەو وڵاتە هەركەسێك ئازارێكی جەستەی زۆری هەبێت بەهۆی نەخۆشییەو وە چارەسەری نەبێت دەتوانێت مردنی خۆی دیاری بكات، كە بە مردنی بەخشین ناسراوە.

هەر بۆیە ئەو یاریزانە لە ئۆتێلێكی تایبەت ئێوارەی 28ی ئەم مانگە كۆتایی بە ژیانی خۆی دەهێنێت و رێگەی بەوەشدا كە هاندەران ئامادەی ساتی مردنی بن و بۆ هەر ئامادەبویەكیش دەبێت بڕی 70 دۆلار بدات، بۆ ئەوەی پاش نەمانی بۆ منداڵەكەی بەجێبهێڵێت كە خاوەنی كچێكە.



Copyright © 2017 Xendan.org all rights reserved

designed and developed by AVESTA GROUP