ڤیدۆ.. نێیمار من رەوشتم جوانە

6/2/2019 3:42:00 PM 8284 جار خوێندراوەتەوە

خەندان سپۆرت

 

لەگرتیەكی ڤیدۆیدا نێیمار داسیلڤای بەرازیلی و یاریزانی یانەی پاریس سانجێرمانی فەرەنسی پەیامێكی بڵاو كردوەو دەڵێت ئەوەی من بناسێت دەزانێت رەوشتم بەرزەو ئەو جۆرە كارانە لە من ناوەشێتەوە.

رۆژنامەكانی فەرەنسا شەوی رابردو ئاشكرایان كرد كە نێیمار لە پاریسی پایتەختی فەرەنسا و لە هۆتێلێكدا دەستدرێژی سێكسی كردۆتە سەرخانمێك.

رۆژنامەی لیكیپی فەرەنسی ئاشكرایكردوە.. كە ئەو خانمە ناو ناونیشانی نەزانراوە، بەڵام خەڵكی ووڵاتی بەرازیلەو لە بنكەیەكی پۆلیس سكاڵای لە دژی ئەو یاریزانە بەرازیلیە تۆمار كردوە.

هەمان سەرچاوە ئەوەشی ئاشكرا كردوە.. لە رێگەی ئینستاگرام پەیوەندی لەگەڵ نێیمار هەبووە، یاریزانە بڕازیلیەکە لە رێگەی هاوڕێیەکی بە ناوی (گالۆ) بلیتێکی فرۆکەی بۆ دابین کردووە بۆ ئەوەی گەشتی پاریس بکات، پاشان ئەو خانمە نزیکەی 20 کاتژمێر لەگەڵ نێیمار ماوەتەوە و دواتر ئەم یاریزانە پاش خواردنەوە کحولیەکان بە تووندی هێرشی كردۆتە سەر ئەو خانمەو دەستدرێژی سێكسی كردۆتە سەر.

دوای بڵاوبونەوەی ئەم هەواڵە یاریزانە بەڕازیلیەکە لە گرتەیەکی ڤیدیۆییدا هەموو ئەو دەنگۆیانەی رەتکردۆتەوە و دەڵێت.. لە داهاتوودا هەموو شتێک ئاشكرادەبێـت و دەردەكەوێت كە من بێتاوانم.

بەڵام لە لایەكی دیكەوە رۆژنامەی ماركا بە بەڵگەوە دەیسەلمێنێت كە ئەو یاریزانە پەیوەندی لەگەڵ ئەو خانمە هەبوەو ڤیدۆیەكشە بڵاو كردۆتەوە كە تێیدا بەڵگەكانی خستۆتەروو.


نیشانەکردن :

#نێیمار

Copyright © 2017 Xendan.org all rights reserved

designed and developed by AVESTA GROUP