دیبالا بەراوردی نێوان مێسی و رۆناڵدۆ دەكات

5/30/2019 12:50:00 PM 14545 جار خوێندراوەتەوە

خەندان سپۆرت

 

پاولۆ دیبالای ئەرژەنتینی و یاریزانی یانەی یۆڤانتۆس لەبارەی رۆناڵدۆی یاریزانی یانەكەی و هەڵبژاردەی پورتوگال و بەراوردكردنی لەگەڵ لیۆنێل مێسی ئەرژەنتینی و هاونیشتیمانی  پرسیاری ئاراستەكرا.

دیبالا بەهۆی ئەوەی لە یانەی یۆڤانتۆس یاریی دەكات یەكێكە لە هاوڕێ نزیكەكانی ڕۆناڵدۆیە و بەهۆی هەڵبژاردەی ئەرژەنتینیشەوە زۆر لە مێسی نزیكە، بۆیە ئەم یاریزانە بە تەواوی لە هەردوو ئەستێرەكەی تۆپی پێی جیهان نزیكەو هاوڕێی هەردو یاریزانەكەیەو پرسیاری لەو جۆرە بەراورد كردن لە نێوان ئەو دوو یاریزانە لە هەموو كەسێكی دیكە بۆ دیبالا دژوارترە، بەڵام رۆژنامەنوسان پرسیاری ئەوەیان ئاراستەی ئەو یاریزانە كرد كە مێسی باشترە یاخود رۆناڵدۆ؟.

لە وەڵامی ئەو پرسیارەشدا هێرشبەرە ئەرژەنتینییەكە ووتی.. مێسی رۆناڵدۆ دوو ئەستێرەی مەزنی تۆپی پێن، هەردوكیان كەسایەتی تایبەت بەخۆیان هەیە، هەریەكێكیشیان وەك چۆن كەسایەتیان جیاوازە شێوازی یاریكردنیشیان جیاوازی هەیە، بەراستی ئەوان سەرسوڕهێنەرن، بۆیە لای من بەراوردكردن لە نێوان ئەو دوو باشترین یاریزانە گرنگ نیە، تەنها ئاسودەم بەوەی لەگەڵ هەردوكیانم و چێژ لە شێوازی یاریكردنیان دەبینم.


نیشانەکردن :

#مێسی #کریستیانۆ

Copyright © 2017 Xendan.org all rights reserved

designed and developed by AVESTA GROUP