لێدوانی رۆژنامەوانی كلۆپ

5/28/2019 4:20:00 PM 3669 جار خوێندراوەتەوە

خەندان سپۆرت

 

بڕیارە رۆژی شەممەی داهاتوو یاریی كۆتایی خولی یانە پاڵەوانەكانی ئەوروپا لە نێوان هەردوو یانەی تۆتنهام و یانەی لێڤەرپوڵ بەرێوە بچێت.

پێش یارییەكەو لە كۆنگرەییەكی رۆژنامەوانیدا یۆرگن كلۆپی راهێنەری یانەی لێڤەرپوڵ ووتی.. ئێمە بە پەرۆشەوە چاوەڕێی ئەنجامدانی یاری کۆتایی چامپیۆنس لیگ دەكەین و ئەو یارییە هەلێکی دیكەمان پێدەدات بۆ بردنی نازناوەكە، گەیشتنی دوو یانەی ئینگلیزی بۆ یاری کۆتایی مانای ئەوە ناگەیەنێت كە خۆمان بە شێوەیەك ئامادە بكەین كە خولی پریمەرلیگە، ئەمە یاریی كۆتایی چامپیۆنس لیگە و جیاوازی هەیە، یاریكردنمان بۆ ساڵی دووەم لەسەر یەك لە كۆتایی ئەو پاڵەوانێتیەدا هەستێکی تایبەتم پێدەبەخشێت و زۆر دڵخۆشم پێی.

راهێنەرەكەی لێڤەرپوڵ ووتیشی.. لە وەرزی ڕابروو کاتێک لە یاری کۆتایی شکستمان هێنا زۆر نائومێد بووین، بەڵام پلانی ئەوەمان دانا بە بەهێزی بگەڕێینەوە، هەر ئەو كارەشمان ئەنجامدا بۆیە گەیشتینەوە كۆتایی چامپیۆنس لیگ، وەرزی ڕابردوو کەموکوڕی لە پێکهاتەکەمان نەبوو، بەڵام لەدەستدانی سەڵاح تەواو ئێمەی شپرزە كردو هەروەها ئەو گۆڵە نامۆیانەی لێمان تۆمار کرا بە تەواوی ورەی روخانین، بۆیە پێویستە لەسەرمان ئەمجارە ئەو هەڵانە دوبارە نەكەینەوەو وا بكەین وەك چۆن شكستمان بە بەرشەلۆنە هێناو هەموو جیهان سەیری كردن بەهەمان شێوەشە بۆ یاریی كۆتایی ئەو كارە ئەنجام بدەین.

كلۆپ سەبارەت بە پێكهاتەی یانەكەی و یاریزانەكانی بۆ كاتیی چامپیۆنس لیگ ووتی.. کیتا ناتوانێت لە یاری کۆتایی بەشداری بکات، بەڵام بە خۆشحاڵییەوە فێرمینۆ ئەمڕۆ بەشداری ڕاهێنانەکانی کردووە، بەڵام تا کۆتایی بەردەوام نەبوو ، سبەی دووبارە راهێنان ئەنجام دەداتەوەو پزیشكەكانی یانەكە بڕیاری كۆتایی لەسەر بەشداریكردنی دەدەن.

سەبارەت بە لێدوانەكانی گواردیۆلا كلۆپ ووتی.. ئەو دەڵێت بردنی پریمەرلیگ قورسترە لەچامپیۆنس لیگ، بەڵام ماوەیەکی زۆرە نەگەیشتۆتە کوتایی بۆیە وا دەڵێت، گواردیۆلا، ڕاهێنەرێکی نمونەییە شایستەی ئەو نازناوانەبوون کە بە دەستی هێنا و ئەوان لەئێمە باشتر بوو، بەڵام لە پاڵەوانێتی دیكە ئێمە رکابەریان دەکەین.

لە كۆتایشدا ئەو راهێنەرە ووتی.. نامەوێت بەراورد كاری بكەم لەو یانانەی راهێنەرایەتیم بۆ كردون،  بەڵام باشترین دەستکەوتم لەگەڵ یانەی ماینێز بووە، بەڵام گەربێتو چامپیۆنس لیگ  لەگەڵ لیڤەرپول ببمەوە ئەوا لەگەڵ هەموو دەستكەوتەكانی دیكەم جیاوازە.



Copyright © 2017 Xendan.org all rights reserved

designed and developed by AVESTA GROUP