یاریی كۆتایی جامی ئیتاڵیا

5/15/2019 11:09:00 AM 2470 جار خوێندراوەتەوە

خەندان سپۆرت

 

بریارە لە یاریی كۆتایی جامی یانەكانی ئیتاڵیا ئەمرۆ هەردوو یانەی ئەتلەنتا و لازیۆ روبەروی یەكتر ببنەوەو لە پێناو بەدەستهێنانی ئەو جامەدا بجەنگن.

ئەم یارییە بە ناوبژیوانی لۆكان بانیش دەبێت و یارییەكەش لە یاریگای ئۆڵۆمپیكۆی رۆمای پایتەخت بەرەێوەدەچێت.

ئەتلەنتا تەنها یەك جار ئەم نازناوەی بەدەستهێناوە ئەویش لە ساڵی 1963 بوەو لەو كاتەوە بێ بەش بوە لەم نازناوە، بەڵام بۆ یارییەكەی ئەمشەو ئەتلەنتا پاڵێورای سەرەكییە بۆ بردنی نازناوەكە چونكە ئەم یانەیە ئاستێكی نمونەی پێشكەش دەكات و لە خولی یانەكانی ئیتاڵیاش پلەی چوارەمی گرتوەو نزیكە لە گەیشتن بە چامپیۆنس لیگی وەرزی داهاتوو.

یانەی لازیۆی پایتەختیش شەش جار نازناوی كوپا ئیتاڵیای بەدەست هێناوەو ئەمشەویش جارێكی دیكە لە پێناو نازناوەكەدا دەجەنگێت و سەرجەم یاریزانەكانیشی بۆ ئەنجامدانی ئەم یارییە ئامادەن.



Copyright © 2017 Xendan.org all rights reserved

designed and developed by AVESTA GROUP