زانیۆلۆ داهاتوی خۆی یەكلا كلادەوە

5/15/2019 10:39:00 AM 2468 جار خوێندراوەتەوە

خەندان سپۆرت

 

یاریزانی لاوی یانەی رۆما نیكۆلۆ زانیۆلۆی ئیتاڵی بە لێدوانێكی سەرجەم یانە گەورەكانی بێ هیوا كرد كە بەشێك لەو یانانە هەوڵی گواستنەوەی ئەو یاریزانە لاوەیان دەدا.

لەلێدوانێكیدا بۆ پێگەی كاڵچۆ مێركاتۆ ئەو یاریزانە لاوەی رۆما ووتی.. من ماوەی گرێبەستەكەم لەگەڵ یانەكەی پایتەخت بۆ ماوەی چوای ساڵەو تا كۆتایی هاتنی گرێبەستەكەم لێرە دەمێنمەوەو بە دڵنیاییەوە داهاتوشم هەر لە رۆما دەبێت.

ئەو یاریزانە ووتیشی.. راستە چەند یانەیەك گرنگیان پێداوم و بۆندیان پێشكەش كردوم، بەڵام من مانەوە بە باشتر دەزانم و لە رۆما هەست بە دڵخۆشی و ئاسودەی دەكەم و هەركات ئیدارەی یانەكە بیانەوێت ئامادەم بۆ نوێكردنەوەی گرێبەستەكەم.

ئەم لاوە ئیتاڵیە لە یارییەكانی ئەم وەرزە لەگەڵ رۆما بە ئاستێكی بەرز دەركەوت و بۆوە جێگەی بایەخ لای زۆرێك لە یانە گەورەكانی ئەوروپا بە تایبەت یانەی ریاڵ مەدرید و یۆڤانتۆس بەڵام ئەو یاریزانە سەرجەمیانی ڕەتكردەوە كرد.


نیشانەکردن :

#رۆما

Copyright © 2017 Xendan.org all rights reserved

designed and developed by AVESTA GROUP