بەرشەلۆنە جێگرەوەی سوارێزی دیاریكرد

5/14/2019 11:31:00 AM 30987 جار خوێندراوەتەوە

خەندان سپۆرت

 

ئیدارەی یانەی بەرشەلۆنەی ئیسپانی لە هەوڵەكانیان بەردەوام بۆ گواستنەوەی چەند یاریزانێك بۆ ئەوەی یانەكەیان بە باشترین شێوە بۆ ركابەرییەكانی وەرزی داهاتوو ئامادە بكەن.

رۆژنامەكانی ئیسپانیا ئاشكرایان كردوە.. بەهۆی هەڵكشانی تەمەنی لویس سوارێز ئیدارەی یانە كەتەلۆنییەكە بیر لە گواستنەوەی هێرشبەرێكی دیكە دەكەنەوە، لە پێناو ئەوەی جێگەی ئەو یاریزانە ئۆرۆگواییە بگرێتەوە كە تەمەنی 32 ساڵ تێپەڕی كردوە.

كاربەدەستانی یانەی بەرشەلۆنە جێگرەوەی ئەو یاریزانەیان دیاریكردوەو لە چەند رۆژی رابردوودا بە وردی چاودێری ئەلكساندەر لاكازیتی هێرشبەری یانەی ئارسناڵی ئینگلیزی دەكەن، كە لە یارییەكانی ئەم وەرزە لەگەڵ یانەكەی ئاستێكی بەرزی لە پریمەرلیك و یۆرۆپا لیگ پێشكەش كردوە.

لاكازیت تەمەن 27 ساڵ لەگەڵ ئەوەی لە یانەی ئارسناڵ هەست بە ئاسودەی دەكات، بەڵام بە پێشكەش كردنی گرێبەستی یانەی بەرشەلۆنە ئەگەی هەیە ئەو یاریزانە یاریگای ئیماڕات بەرەو كامپ نۆ بەجێبهێڵێت.



Copyright © 2017 Xendan.org all rights reserved

designed and developed by AVESTA GROUP